މި މަޝްވަރާތައް ކުރިއަށް ގެންގޮސްފައި މިވަނީ ފޮރިން މިނިސްޓަރު އަބްދުﷲ ހަލީލި ސައުދީ އަރަބިއްޔާއަށް މިހާރި ކުރައްވަމުން ގެންދަވާ ރަސްމީ ދަތުރުފުޅުގައި އެ ގައުމުގެ މިނިސްޓާ އޮފް ކޮމާސް ޑރ.މާޖިދު ބިން އަބްދުﷲ އަލް ގަސާބީއާ ބައްދަލުކުރެއްވުމުގެ ތެރެއިން ކަމަށް ފޮރިން މިނިސްޓްރީން ބުނެއެވެ.
ރާއްޖޭގައި ސައުދީ އިންވެސްޓްމެންޓްތައް އިތުރުކުރުމަށް މަޝްވަރާކުރުމުގެ އިތުރުން ރާއްޖެއާއި ސައުދީ އަރަބިއާ އާ ދެގައުމުގެ ދެމެދު ވިޔަފާރީގެ ދާއިރާއިން ގުޅުން ބަދަހިކުރުމަށްވެސް ދެ ބޭފުޅުން ވަނީ މަޝްވަރާކުރައްވާފައެވެ.
މި މަޝްވަރާގައި ސައުދީ އަރަބިއާއާއެކު އޮންނަ ގާތް ގުޅުން އިތުރަށް ވަރުގަދަ ކުރުމަށާއި މުހިއްމު ދާއިރާތަކުން ގުޅިގެން މަސައްކަތްކުރުމަށް ދެ މިނިސްޓަރުން އެއްބަސްވެވަޑައިގެންފައިވާކަން ފޮރިން މިނިސްޓްރީން ފާހަގަކުރެއެވެ.
އިއްޔެ ކުރިއަށް ގެންދިޔަ މި މަޝްވަރާ ފެއްޓެވުމުގެ ކުރިން މިނިސްޓާ ހަލީލް ވަނީ ސައުދީ އަރަބިއްޔާގެ ޝާހީ އާއިލާއަށް ނިސްބަތްވާ އަލްއަމީރު މުހައްމަދު ބިން ފަހުދު އަލް ސައުދު އަވަހާރަވުާ ގުޅިގެން ސައުދީ ޝާހި އާއިލާ މެމްބަރުންނަށް ތައުޒިޔާ ވިދާޅުވެފައެވެ.
