މި މަސައްކަތް ކުރިއަށް ގެންދިއުމަށް ހޯމް މިނިސްޓްރީން މިއަދު ވަނީ ތައިލެންޑްގެ ކޮންޓްރޯލް ޑޭޓާ ލިމިޓެޑާ އެކު އެއްބަސްވުމެއްގައި ސޮއިކޮށްފައެވެ.
މި އެއްބަސްވުމުގައި ހޯމް މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު ޑރ. މުހައްމަދު ކިނާނައެވެ. އަދި ކޮންޓްރޯލް ޑޭޓާގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރު ނާރޓް ލިއުޗަރެއޮންއެވެ. މި މަޝްރޫއަކީ ޑިޖިޓަލް މޯލްޑިވްސް ފޮރ އެޑަޕްޓޭޝަން، ޑީސެންޓްރަލައިޒޭޝަން އެންޑް ޑައިވަރސިފިކޭޝަން (ޑީމެޑް) ޕްރޮޖެކްޓްގެ ދަށުން ކުރިއަށްގެންދާ މަސައްކަތެކެވެ.
އާ ނިޒާމު ގާއިމުކުރެވުމުން، ކައުންސިލްތަކުން ކުރަމުންދާ އާބާދީ ބެލެހެއްޓުމުގެ މަސައްކަތްތަކާއި، ހެލްތް މިނިސްޓްރީ އަދި މޯލްޑިވްސް ސްޓެޓިސްޓިކަލް ބިއުރޯއަށް ބޭނުންވާ ތަފާސް ހިސާބުތައް ރިއަލްޓައިމްކޮށް ލިބޭނެ މަގު ފަހިވެގެންދާނެއެވެ. މި ނިޒާމަކީ ރައްކާތެރިކަމާއެކު މައުލޫމާތު ބެލެހެއްޓޭނެ ޑިޖިޓަލް ނިޒާމެކެވެ.
ކޮންޓްރޯލް ޑޭޓާ ތައިލެންޑަކީ ޑިޖިޓަލް ޓްރާންސްފޮމޭޝަން އަދި ބަޔޮމެޓްރިކް ދާއިރާއަށް ހާއްސަވެފައިވާ ކުންފުންޏެކެވެ. އެ ކުންފުނިން ވަނީ ތައިލެންޑްގެ އުފަންވުމާއި މަރުވުމުގެ ރެކޯޑުތައް ބަލަހައްޓާ ޑިޖިޓަލް ނިޒާމު 1983 ވަނަ އަހަރުން ފެށިގެން ގާއިމުކޮށް ބަލަހައްޓަމުން ގެންގޮސްފައެވެ.
- މަސައްކަތް ހަވާލުކުރެވިފައިވަނީ ތައިލެންޑްގެ ކޮންޓްރޯލް ޑޭޓާއާ
- ނިޒާމު މެދުވެރިކޮށް ރިއަލްޓައިމްކޮށް މައުލޫމާތު ލިބޭނެ
- މަޝްރޫއު ހިންގަނީ ޑީމެޑް ޕްރޮޖެކްޓްގެ ދަށުން
- ކޮންޓްރޯލް ޑޭޓާއަކީ 1983 އިން ފެށިގެން ތައިލެންޑްގެ އާބާދީ ބެލެހެއްޓުމުގެ ނިޒާމު ބަލަހައްޓާ ފަރާތް
