ކުރީގެ ފަސްޓްލޭޑީ ފަޒްނާ އަހްމަދުގެ މަންމާފުޅު ޒަމީރާ އުމަރު
ކުރީގެ ފަސްޓް ލޭޑީ ފަޒްނާގެ މަންމާފުޅު އަވަހާރަވެއްޖެ
މުހައްމަދު އާދަމް އަހްމަދު
31 ޖެނުއަރީ 2025 - 20:23:40
ކުރީގެ ރައީސް އިބްރާހިމް މުހައްމަދު ސާލިހްގެ އަނބިކަނބަލުން އަދި ކުރީގެ ފަސްޓް ލޭޑީ ފަޒްނާގެ މަންމާފުޅު އަވަހާރަވެއްޖެއެވެ.
Advertisement
ފަޒްނާގެ މަންމާފުޅު ޒަމީރާ އުމަރު އަވަހާރަވިއިރު އުމުރުފުޅަކީ 79 އަހަރެވެ. އެ ކަމަނާ އަވަހާރަވީ އާލާސްކަންފުޅާ އުޅުއްވާތާ ދުވަސްތަކެއް ފަހުންނެވެ.
ފަޒްނާގެ މަންމާފުޅު އަވާހަރަވުމާއި ގުޅިގެން ރައީސް ޑރ. މުހައްމަދު މުއިއްޒު ވަނީ ކުރީގެ ރައީސް އިބްރާހިމް މުހައްމަދު ސާލިހާއި ފަޒްނާގެ އާއިލާއަށް ތައުޒިޔާ ފޮނުއްވައިފައެވެ.
" ރައީސް އިބްރާހީމް މުހައްމަދު ސާލިހްގެ އަނބިކަނބަލުން ފަޒްނާ އަހްމަދުގެ ލޮބުވެތި މަންމަ، ޒަމީރާ އުމަރު އަވަހާރަވުމުގެ ފުން ހިތާމައިގާ ބައިވެރިވެ، ރައީސް އިބްރާހީމް މުހައްމަދު ސާލިހްގެ ދެކަނބަލުންނަށާއި އާއިލާއަށް ތަޢުޒިޔާ ދަންނަވަން. މަރްޙޫމާ ޒަމީރާ އުމަރަށް ސުވަރުގޭގެ ދާއިމީ ނިއުމަތް ދެއްވައި، މާތްﷲގެ ތަނަވަސް ރަޙްމަތާއި އޯގާވަންތަކަމުގައި ތާއަބަދުމެ ލެހެއްޓެވުން އެދި ދުއާ ކުރަން އާމީން." ރައީސް މުއިއްޒުގެ މެސެޖުގައިވެއެވެ.
ކުރީގެ ފަސްޓް ލޭޑީ ފަޒްނާ އަޙްމަދުގެ މަންމާފުޅަކީ ރައީސް މުހައްމަދު ނަޝީދާއި ރައްޔިތުންގެ މަޖިލީހުގެ ކުރީގެ ނައިބު ރައީސް އިވާގެ ބޮޑުދައިތައެވެ.
ފަޒްނާގެ މަންމާފުޅު އަވަހާރަވުމުން ގިނަ ބަޔަކު ސޯޝަލް މީޑިއާގައި އަންނަނީ އެ އާއިލާއަށް ތައުޒިޔާ ކިޔަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
