ads
ހެލްތު މިނިސްޓަރު އަބްދުﷲ ނާޒިމް އިބްރާހީމް
ޖޮއިން ދަ ހީރޯސް: ލޭ ހަދިޔާކުރުމުގެ ގައުމީ ކެމްޕެއިން ފަށައިފި
ލޭ ހަދިޔާކުރުމުގެ މުހިންމުކަން އާންމުންނަށް އަންގައިދިނުމަށް "ޖޮއިން ދަ ހީރޯސް" ގެ ނަމުގައި ގައުމީ ކެމްޕެއިނެއް ރޭ ފަށައިފިއެވެ.
Advertisement

ހެލްތު މިނިސްޓަރު އަބްދުﷲ ނާޡިމް އިބްރާހީމް ވަނީ މި ކެމްޕެއިން ރަސްމީކޮށް ފައްޓަވައިދެއްވާފައެވެ. މިއީ ލޭއެޕާއި ހެލްތް މިނިސްޓްރީއާ ދެމެދު 11 ޖުލައި 2024 ގައި ސޮއިކުރި އެއްބަސްވުމުގެ ދަށުން ފަށާ ކެމްޕެއިނެކެވެ.

މޯލްޑިވިއަން ބްލަޑް ސާވިސަސްއަށް ލިބޭ ލޭގެ ތެރެއިން 33.9 ޕަސަންޓަކީ އަމިއްލަ އިހުތިޔާރުގައި ހަދިޔާކުރާ ލޭކަމަށް ހެލްތު މިނިސްޓަރު ވިދާޅުވިއެވެ. އަދި މި ކެމްޕެއިންގެ ސަބަބުން އަމިއްލަ އިހުތިޔާރުގައި ލޭ ހަދިޔާކުރާ މީހުންގެ އަދަދު އިތުރުވެގެންދާނެ ކަމަށް މިނިސްޓަރު ފާހަގަކުރެއްވިއެވެ.

ހެލްތު މިނިސްޓަރު ވިދާޅުވި ގޮތުގައި ދުނިޔޭގެ އާބާދީގެ ނިސްބަތުން ބަލާއިރު ރާއްޖެއަކީ ތެލެސީމިއާ ކުދިން ވަރަށް ގިނަ ގައުމެކެވެ. އެހެންކަމުން އެ ކުދިންނަށް ބޭނުންވާ ލޭ ލިބޭނެ ފަސޭހަ އިންތިޒާމުތަކެއް ހަމަޖެހިފައި ހުރުމަކީ ވަރަށް މުހިންމު ކަމެކެވެ.

މި ކެމްޕެއިންގައި ވީހާވެސް ގިނަ ބަޔަކު ބައިވެރިވެ ލޭ ހަދިޔާކުރުމަށް ހެލްތު މިނިސްޓަރު އިލްތިމާސްކުރެއްވިއެވެ. އަދި ތެލެސީމިއާ ކުދިންގެ ކަންކަން ހަރުދަނާކުރުމަށް ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ކުރައްވަމުން ގެންދަވާ މަސައްކަތްތަކަށް ޝުކުރު އަދާކުރެއްވިއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް