ޑައިބެޓިކް ސޮސައިޓީގެ އަހަރީ ޖަލްސާގައި ފަސްޓް ލޭޑީ ސާޖިދާ މުހައްމަދު ވާހަކަ ދައްކަވަނީ - ފޮޓޯ: ރައީސް އޮފީސް
ބަހާއި ސަގާފަތަކީ އުފާވެރިކަމުގެ މައިގަނޑު ބިންގާ: ފަސްޓް ލޭޑީ
ގުފްތަގް އަޖީރު
02 ފެބްރުއަރީ 2025 - 20:22:24
ގައުމެއްގެ އުފާވެރިކަން ބިނާވެގެންވަނީ އެގައުމެއްގެ މާދަރީ ބަހާއި ސަގާފަތުގެ މައްޗަށް ކަމަށް ފަސްޓް ލޭޑީ ސާޖިދާ މުހައްމަދު ވިދާޅުވެއްޖެއެވެ.
Advertisement
މިއަދު ބޭއްވުނު "އުފާވެރި ރާއްޖެ" އިފްތިތާހީ ރަސްމިއްޔާތުގައި ވާހަކަފުޅު ދައްކަވަމުން އެކަމަނާ ވިދާޅުވީ ތަރިކައާއި ފަންނުގެ މުހިންމުކަން ވަރަށް ބޮޑު ކަމަށެވެ.
"ޒަމާނުއްސުރެ ދިވެހިންގެ މާދަރީ ބަހުން އުފެދިފައި ހުންނަ ޖޯކުތަކާއި، ބުއްދިވެރި ބަސްތަކާއި، އަދަބީ އުފެއްދުންތަކުން ލިބޭ އުފާވެރިކަމަކީ ދުނިޔޭގެ އެހެން ގައުމުތަކުންވެސް ބަލައިގަންނަ ކަމެއް،" ސާޖިދާ ވިދާޅުވިއެވެ.
އިންސާނުންގެ އުފާވެރިކަމަށް މަގުފަހިވާ ކަންތައްތަކުގެ ތެރޭގައި މާލީ ފުދުންތެރިކަމާއި، ނަފްސާނީ ހަމަޖެހުމާއި، ރޫހާނީ މުއްސަނދިކަން ހިމެނޭ ކަމަށް ފަސްޓް ލޭޑީ ފާހަގަކުރެއްވިއެވެ. އަދި ހަގީގީ އުފާވެރިކަމުގެ އަސާސަކީ އީމާންތެރިކަމުގެ ނޫރުން އަލިވެފައިވާ ހިތް ކަމަށްވެސް އެކަމަނާ ވިދާޅުވިއެވެ.
ދިވެހިންގެ އުފާވެރިކަމުގެ މިންގަނޑު އެކުލަވާލުމުގެ ދިރާސާ ކުރިއަށް ގެންދާނީ އިސްލާމިކް ޔުނިވަރސިޓީ އޮފް މޯލްޑިވްސްއިން ކަމަށް އެ ޔުނިވަރސިޓީން ބުނެފައިވެއެވެ. މި ދިރާސާގައި މުޖުތަމައުގެ ހުރިހާ ފަރާތްތަކެއްގެ ބައިވެރިވުން ހޯދާނެ ކަމަށް އައިޔޫއެމްއިން ބުނެފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
