ރައީސުލްޖުމްހޫރިއްޔާގެ ރިޔާސީ ބަޔާނާ ގުޅިގެން ބޭއްވި ފޯރަމެއްގައި ވާހަކަފުޅު ދައްކަވަމުން މިނިސްޓަރު ވިދާޅުވީ، މަސްވެރިންނަށް ގަވާއިދުން ފައިސާ ލިބެން ފެށުމާ ގުޅިގެން ކުރިން ދޯނިތަކުން ފޭބި ގިނަ ޒުވާނުން މިހާރު އަނބުރާ މަސްވެރިކަމަށް ނިކުންނަން ފަށާފައިވާ ކަމަށެވެ.
މިނިސްޓަރު ވިދާޅުވި ގޮތުގައި މަސްވެރިކަމުގެ ސިނާއަތު ކުރިއެރުވުމަށް އެމްއެންޔޫއާ ގުޅިގެން ތަމްރީނު ޕްރޮގްރާމްތަކެއް ފަށާފައިވެއެވެ. މީގެ އިތުރުން ކޯލްޑް ސްޓޯރޭޖް އަދި އައިސް ޕްލާންޓްތަކުގައި މަސައްކަތްކުރާނެ ފަންނީ މީހުން ބިނާކުރުމުގެ މަސައްކަތްވެސް ކުރިއަށްދާ ކަމަށް އެމަނިކުފާނު ވިދާޅުވިއެވެ.
ކުރީގެ ސަރުކާރުން މަހުގެ އަގަށް ގެނައި ބަދަލާ ގުޅިގެން މަސްވެރިންނަށް ނުދެވި ހުރި ހުރިހާ ފައިސާއެއް މިހާރުގެ ސަރުކާރުން ވަނީ ދައްކާ ހަލާސްކޮށްފައެވެ. އަދި މިހާރު ގަވާއިދުން މަސްވެރިންނަށް ފައިސާ ދެމުންދާކަން މިނިސްޓަރު ފާހަގަކުރެއްވިއެވެ.
