މިގޮތުން އެ ރަށުގެ B1 އަދި B2 ސަރަހައްދުން ބިން ކުއްޔަށް ދޫކުރުމަށް ވަނީ އިއުލާން ކޮށްފައެވެ.
މި ބިންތައް ކުއްޔަށް ހިފުމަށް ޝައުގުވެރިވާ މީހުން މި މަހުގެ 18 ވަނަ ދުވަހުގެ މެންދުރު 13:00 ގައި ބާއްވާ ބީލަމުގައި ބައިވެރިވެވޭނެއެވެ. ނަމަވެސް ބީލަމުގައި ބައިވެރިވެވޭނީ އެކަމަށް ކުރިން ރަޖިސްޓްރީ ވާ މީހުންނަށް އެކަންޏެވެ. ރަޖިސްޓްރީ ވުމުގެ ސުންގަޑިއަކީ ބުދަ ދުވަހުގެ މެންދުރުފަހު 14:00 އެވެ.
ކައުންސިލުން މައުލޫމާތު ދިނުމަށް ބުނެފައިވަނީ ބީލަމުގައި ބައިވެރިވާން އެދޭ މީހަކަށް ވެސް ހުށަހެޅޭނީ އެންމެ އަންދާސީ ހިސާބެއް ކަމަށެވެ. އަދި ބީލަމާ ގުޅޭ މައުލޫމާތު ސާފުކުރުމަށް މި މަހުގެ 18 ވަނަ ދުވަހުގެ މެންދުރު 12:00 އާ ހަމައަށް ކައުންސިލަށް ގުޅުމުގެ ފުރުސަތު އޮންނާނެ ކަމަށް ވެސް ބުނެފައިވެއެވެ.
ބީލަން ހުށަހެޅުމަށް ހާޒިރުވާ މީހުން ގަޑިއަށް ސަމާލުވާން ޖެހޭނެއެވެ. ސަބަބަކީ ގަޑިޖެހިގެން ހާޒިރުވާ މީހުންނަށް ބީލަމުގައި ބައިވެރިއެއް ނުވެވޭނެތީއެވެ.
