
މައްޗަންގޮޅި މެދު ދާއިރާގެ މެންބަރު އަހުމަދު ޒަމީރު މަޖިލީހަށް ހުށަހެޅުއްވި މި ބިލަކީ ލާމަރުކަޒީ ގާނޫނަށް އިސްލާހު ގެނައުމުގެ ބިލެވެ. މި ބިލު ފާސްވުމުން، ކުރިއަށް އޮތް ރޯދަ މަހުން ފެށިގެން ޑަބްލިއުޑީސީ މެންބަރުންނަށް ރޯދަ އެލަވަންސް ލިބިގެންދާނެ އެވެ.
ރައީސް ޑރ. މުހައްމަދު މުއިއްޒު ވިދާޅުވި ގޮތުގައި މި ބިލުގެ ސަބަބުން އަންހެނުންގެ ކޮމިޓީތަކުގެ މަސްއޫލިއްޔަތުތައް އިތުރަށް ތަފުސީލުކުރެވި، އިޖުތިމާއީ ހަރަކާތްތައް ހިންގުމަށް ފައިސާ ހޯދުމުގެ ބާރު ލިބިގެންދާނެ އެވެ. އަދި މީގެ އިތުރުން ޑަބްލިއުޑީސީ މެންބަރުންނަށް ލިބޭ މުސާރައަކީ ބޭންކުތަކުން ބަލައިގަންނަ މުސާރައަކަށް ހަދައި، ލޯނު ނެގޭނެ އިންތިޒާމު ވެސް ހަމަޖެހިގެންދާނެ އެވެ.
މި ބިލުގައި މާލީ އަދި އިދާރީ ގޮތުން ޑަބްލިއުޑީސީތަކުން އަމަލުކުރަންޖެހޭ ގޮތްތައް ތަފުސީލުކޮށް ބަޔާންކޮށްފައިވާ އާ މާއްދާތަކެއް ހިމަނާފައިވާކަން ފާހަގަކުރެވެ އެވެ.