މިކަން ހާމަކުރައްވައި "ގްރީން ރިސޯޓް ފައިނޭންސިން" ފެސިލިޓީ ތައާރަފުކުރުމުގެ ރަސްމިއްޔާތުގައި ވާހަކަދައްކަވަމުން އެ ބޭންކުގެ ސީއީއޯ އަދި އެމްޑީ މުހައްމަދު ޝަރީފް ވިދާޅުވީ މިވަގުތު ރިސޯޓުތަކަށް ދޫކޮށްފައިވާ ލޯނުގެ އަދަދު 6 ބިލިއަން ރުފިޔާއަށް އަރާ ކަމަށެވެ. އަދި ބޭންކުން އަހަރަކު 150 މިލިއަނަށްވުރެ ގިނަ މުއާމަލާތް ޕްރޮސެސްކުރާ ކަމަށާއި، މި މުއާމަލާތްތަކުގެ އަގު 500 ބިލިއަން ރުފިޔާއަށް އަރާ ކަމަށެވެ.
ބޭންކުގެ މާލީ ހާލަތާ ގުޅޭގޮތުން ވާހަކަދައްކަވަމުން ޝަރީފް ވިދާޅުވީ، ބޭންކުގެ ޖުމުލަ އެސެޓްސް 48 ބިލިއަން ރުފިޔާއަށްވުރެ މަތީގައި ހިފެހެއްޓިފައިވާ ކަމަށެވެ. އަދި ކެޕިޓަލް އެޑިކުއަސީ ރޭޝިއޯ 57 ޕަސަންޓުގައި ހިފެހެއްޓިފައިވާ ކަމަށެވެ.
ރިސޯޓު ތަރައްގީކުރުމަށް ފައިނޭންސްކޮށްދިނުމުގެ އިތުރުން، ބޭންކުން ވަނީ ވަރކިން ކެޕިޓަލް، ވިޔަފާރި ފައިނޭންސިން އަދި ޑިޖިޓަލް ޕޭމަންޓް ހައްލުތައް ވެސް ހުށަހަޅާފައެވެ. މިއީ ވިޔަފާރިތަކާއި ޓޫރިސްޓުންނަށް ފަސޭހަކަމާއެކު މުއާމަލާތްތައް ކުރެވޭނެ މަގު ތަނަވަސްކޮށްދިނުމަށް ކަމަށް ބޭންކުން ބުނެފައިވެއެވެ.
