ކްރިމިނަލް ކޯޓު
މާރާމާރީ ހިންގަން އުޅުނު ކަމުގެ ތުހުމަތުގައި 17 އަހަރުގެ ކުއްޖަކު 5 ދުވަހަށް ބަންދުކޮށްފި
ގުފްތަގް އަޖީރު
10 ފެބްރުއަރީ 2025 - 15:04:22
މާލޭގައި މާރާމާރީ ހިންގަން މަސައްކަތްކުރި ކަމުގެ ތުހުމަތުގައި 17 އަހަރުގެ ކުއްޖަކު ފަސް ދުވަހުގެ މުއްދަތަށް ބަންދުކުރުމަށް ކްރިމިނަލް ކޯޓުން އަމުރުކޮށްފިއެވެ.
Advertisement
މި މައްސަލައިގައި އޭނާއާއެކު އިތުރު ދެ މީހަކު ވެސް ވަނީ ހައްޔަރުކޮށްފައެވެ. އެއީ މާލޭ މއ. ރިހިވިލާގެ އަހުމަދު މާނިއު (23 އަހަރު) އާއި ގދ. ގައްދޫ ފުނޑުނުވާގޭ އަހުމަދު އަޔާން (18 އަހަރު) އެވެ. މި ދެމީހުންގެ ބަންދުގެ މުއްދަތެއްގެ ގޮތުގައި ކޯޓުން ވަނީ 15 ދުވަސް ކަނޑައަޅާފައެވެ.
މި މައްސަލައިގެ ތަހުގީގު ފުލުހުން ދަނީ ކުރިއަށް ގެންދަމުންނެވެ. ފާހަގަކޮށްލެވޭ ކަމަކީ ފަހަކަށް އައިސް މާލެ ސަރަހައްދުގައި މާރާމާރީގެ މައްސަލަތައް އިތުރުވެފައިވާ ކަމެވެ. މިގޮތުން މިދިޔަ ހަފްތާގައި އެކަނި ތިން މާރާމާރީގެ މައްސަލަ ރިޕޯޓުކުރެވިފައިވާއިރު، ހުކުރު ދުވަހުގެ ރޭ ހުޅުމާލޭގައި މީހެއްގެ ބޮލުގައި ކޯރާޑިއަކުން ޖަހައި މާރާމާރީ ހިންގި މައްސަލައެއް ވެސް ވަނީ ހިނގާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
