ވަޒީރު ޝިޔާމް މިހެން ވިދަޅުވީ މިއަދު ރައްޔިތުން މަޖިލީހުގައި މެމްބަރުން ކުރިމަތި ކުރެއްވި ސުވާލުތަކަށް ޖަވާބު ދެއްވަމުންނެވެ.
ޝިޔާމް ވިދާޅުވީ މަސްވެރިން މިހާރު ކިޔުގައި ތިބެން ޖެހިފައިވަނީ އެއްވެސް ސަރުކާރަކުން މިހާތަނަށް އެ ކިޔު ނައްތާލަން މަސައްކަތް ކޮށްފައިނުވާތީކަމަށެވެ. އެހެންނަމަވެސް މި ސަރުކާރުން އަޅަމުން އަންނަ ފިޔަވަޅުތަކުން އެއްވެސް އުނދަގުލަކާއި ނުލައި މަސްވެރިންނަށް މިސްކިރުމުގެ އިންތިޒާމް ކުރިއަށް އޮތް ތަނުގައި ފަހިވެގެން އަންނާނެކަމަށް ވަޒީރު ޝިޔާމް ވިދާޅުވިއެވެ.
ޝިޔާމް ވިދާޅުވީ މީ މަސްވެރިން މަސްކިރުވަން ކިއުގައި ތިބެން ޖެހޭނެ ފަހު އަހަރުކަމަށެވެ. އަދި ސަރުކާރުން ކުރަމުން އަންނަ މަސައްކަތުން މި ކިއު ނައްތާލާނެކަަމަށް ވަޒީރު ވިދާޅުވިއެވެ.
ވަޒީރު ވިދާޅުވީ މިދިޔަ ސަރުކާރުން މަސްކިރުވަން ގެނައި ބޯޓްތަކީ އެ މަސައްކަތްތަކަށް ބޭނުންވާ ވަރަށްވުރެ ކެޕޭސިޓީ ދަށް ބޯޓްތަކެއްކަމަށެވެ. އޭގެ ގިނަ ބޯޓްތައް ހުރީ އޮޕަރޭޝަނުން ބޭރުގައިކަމަށާއި ބައެް ބޯތްތަކުގެ މަރާމާތުގެ މަސައްކަތް ކުރަމުން އަންނަކަން ވަޒީރު ޝިޔާމް ފާހަގަކުރެއްވިއެވެ.
އެހެންނަމަވެސް އެބޯޓްތައް މާދަމާއާއި އަނެއް ދުވަހު އޮޕަރޭޝަނަށް ގެނެވޭނެކަމަށާއި އޭރުން މިހާރު އޮތް ކިޔޫއަށް ބޮޑު ލުޔެއް ލިބިގެންދާނެކަމަށްވެސް ވަޒީރު ޝިޔާމް ވިދާޅުވިއެވެ.
