މޭޔަ އާޒިމް މިފަދައިން ވިދާޅުވެފައި މިވަނީ މާލެ ސިޓީކައުންސިލްގެ އާ އިމާރާތުގެ ބިންގާ އެޅުމުގެ ރަސްމިއްޔާތުގައި ވާހަކަ ފުޅުދައްކަވަމުންނެވެ.
މާލެ ސިޓީ ކައުންސިލްގެ އެކި މުވައްޒަފުން އެކިތަންތަނުގައި ތިބެގެން މަސައްކަތް ކުރަން ޖެހުމަކީ ރައްޔިތުންނަށް ހިދުމަތް ދިނުމުގައި ދަތި އުދަނގޫތަކެއް ކުރިމަތިވާ ކަމެއް ކަމަށާއި މާލެ ސިޓީ ކައުންސިލް ނޫނީ އޮފީހެއް ނެތް ކައުންސިލެއް ރާއްޖޭގައި ނެތްކަމަށް ކަމަށް މޭޔަރުގެ ވާހަކަފުޅުގައި ފާހަގަކުރެއްވި އެވެ.
ހަމައެކަނި އަމިއްލަ އޮފީހެއް ނެތް ކައުންސިލަކީ މާލެ ސިޓީ ކައުންސިލްކަން ފާހަގަ ކުރައްވައި މޭޔަރު އާޒިމް ވިދާޅުވީ، މިވަގުތު ދަތި އުދަނގޫ މަރުހަލާއެއްގައި މަސައްކަތް ކުރަމުން ދާއިރު ކައުންސިލްގެ ހުރިހާ މެމްބަރުންގެ ފަރާތުން ވަރަށް ވެސް ބޮޑު އެހީތެރިކަމެއް ލިބިވަޑައިގަންނަވާ ކަމަށެވެ. އަދި އާ އިމާރާތުގެ މަސައްކަތްތައް ފެށިފައިވުމުން ކައުންސިލަރުންނަށާއި ވަކިން ހާއްސަކޮށް ޑެޕިއުޓީ މޭޔަރު އަހުމަދު ނަރީޝަށް މޭޔަރު ޝުކުރު އަދާކުރެއްވި އެވެ.
މާލެ ސިޓީ ކައުންސިލްގެ އާ އިމާރާތް އެޅުމުގެ މަސައްކަތް ކުރިއަށްދަނީ ކައުންސިލްގެ ބެލުމުގެ ދަށުގައިވާ ތައިސޭ ކޮށީގަ އެވެ. 20 ހާސް އަކަފޫޓުގެ ބިއްމެއްގައި އިމާރާތް ކުރާ މި އައު އޮފީސް އިމާރާތުގައި ހުންނާނީ 2 ފަންގިފިލާއެވެ. މި ވަގުތު މާލެ ސިޓީ ކައުންސިލުން ހިދުމަތް ދެމުން އަންނަނީ އެކި ސަރަހައްދު ތަކުގައި ހުރި 9 އިމާރާތެއްގަ އެވެ.
