
މި މަޝްރޫޢުގެ ދަށުން 20 އާއި 25 ޕަސަންޓް ޓެކްސީތަކަކީ އިލެކްޓްރޯނިކް ވެހިކަލްތަކަށް ހެދުމަށް ވަނީ ނިންމާފަ އެވެ.
ޓްރާންސްޕޯޓް މިނިސްޓްރީގައި މިއަދު ބޭއްވި ރަސްމިއްޔާތުގައި މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ ޑިރެކްޓަރ ޖެނެރަލް އަހުމަދު ޝަމީމް އެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު ސައުދީ އެވެ.
ޓްރާންސްޕޯޓް މިނިސްޓަރު މުހައްމަދު އަމީން ކުރިން ދެއްވި މައުލޫމާތުގައި، މި ހިދުމަތް ފެށުމުގެ މައިގަނޑު މަގުސަދަކީ މާލޭގައި ޓެކްސީގެ ހިދުމަތް އިތުރަށް ހަރުދަނާކޮށް، ރައްޔިތުންނަށް ފަސޭހަ އަގެއްގައި ހިދުމަތް ފޯރުކޮށްދިނުން ކަމަށް ބުންޏެވެ. އަދި މި ހިދުމަތުގައި 50 ޕަސަންޓް ޑްރައިވަރުންނަކީ ދާއިމީ މުވައްޒަފުންގެ ގޮތުގައި ތިބޭނެ މީހުން ކަމަށްވެސް އެމިނިސްޓަރު ވިދާޅުވި އެވެ.
ސަރުކާރުގެ ޓެކްސީ ލައިނުގެ ހިދުމަތް މިހާރު ހިދުމަތްދޭ އަގަށްވުރެ ކުޑަ އަގެއްގައި ދިނުމަށް ވަނީ ނިންމާފަ އެވެ. އަދި މި ހިދުމަތް ފެށުމުން މިހާރު އަމިއްލަ ގޮތުން ހިދުމަތްދޭ ފަރާތްތަކަށް އެއްވެސް ދަތިކަމެއް ނުވާނެކަމުގެ ޔަގީންކަން ސަރުކާރުން ދީފައިވެ އެވެ.