Advertisement

އާ އިސްލާހުގެ ދަށުން، އަންނަ އަހަރުން ފެށިގެން މަޖިލީހުގެ ފުރަތަމަ ދައުރު ހިނގާނީ ޖެނުއަރީ 1 އިން އެ މަހުގެ ނިޔަލަށެވެ. މީގެ އިތުރުން ދެވަނަ ދައުރު ހިނގާނީ އެޕްރީލް 1 އިން ޖުލައި 31 އަށެވެ. އަދި ތިންވަނަ ދައުރު ހިނގާނީ ސެޕްޓެމްބަރު 1 އިން ނޮވެމްބަރު 30 އަށެވެ.

މި ބަދަލު ގެންނަން ޖެހުނު މައިގަނޑު ސަބަބަކީ ރޯދަ މަހާ ދިމާވާތީ، މަޖިލިސް ބަންދުކުރުމަށް މަގުފަހިކުރުމެވެ. ނަމަވެސް މި އަހަރުގެ ފުރަތަމަ ދައުރު ނިމޭނީ މިހިނގާ ފެބްރުއަރީ މަހުގެ ނިޔަލަށް ކަމަށް އިސްލާހުގައި ބަޔާންކޮށްފައިވެ އެވެ.

މިހާތަނަށް ރިޔާސީ ބަޔާން އިއްވަމުން އައީ ފެބްރުއަރީ މަހުގެ ފުރަތަމަ ހަފުތާގައެވެ. މިގޮތުން މި އަހަރުގެ ރިޔާސީ ބަޔާން ރައީސް ޑރ. މުހައްމަދު މުއިއްޒު އިއްވެވީ ފެބްރުއަރީ 6 ގައެވެ.