
ދައުލަތުގެ ވިޔަފާރި ތަންތަން ޕްރައިވެޓައިޒް ކުރުމާއި ކޯޕަރަޓައިޒް ކުރުމާއި މޮނިޓަކޮށް، އިވެލުއޭޓް ކުރުމުގެ ގާނޫނުގެ ދަށުން އުފައްދާފައިވާ ޕީސީބީގެ ބޯޑުގެ ރައީސްކަމަށް ހަމްދީ އައްޔަން ކުރީ ނޮވެމްބަރު 22، 2023 ގައެވެ.
ޕީސީބީގެ ރައީސްކަމުން ހަމްދީ އަގީލް، ރައީސް ޑރ. މުހައްމަދު މުއިއްޒު ރޭ ވަކިކުރެއްވި ނަމަވެސް އޭނާ މަގާމުން ވަކިކުރި ސަބަބެއް ސަރުކާރަކުން ހާމައެއް ނުކުރެއެެވެ.
ޕީސީބީން އިއްޔެ ވަނީ ސަރުކާރުގެ ކުންފުނިތަކުން ހަރަދު ކުޑަކުރުމަށް އަންގާ ކުންފުނިތަކަށް ސާކިއުލާއެއް ފޮނުވާފައެވެ. އަދި ރޯދަމަހު ދޭ ރޯދަ އިނާޔަތުގެ 3000 ރުފިޔާ ފިޔަވާ ފިޔަވައި އިތުރު ހަދިޔާތައް މުވައްޒަފުންނަށް ނުދިނުމަށްވެސް ކުންފުނިތަކަށް ޕީސީބީން ވަނީ އަންގާފައެވެ.
ދާދީ ފަހުން ރައީސް މުއިއްޒު ވަނީ ޓްއަރޒިމަން މިނިސްޓާރުގެ މަގާމުގައި ހުންނެވި އިބްރާހިމް ފައިސަލާއި އެމްޕީއެލްގެ މެނޭޖިން ޑިރެކްޓަރުގެ މަގާމުގައި ހުންނެވި މުހައްމަދު ވަޖީހް އިބްރާހިމްވެސް ކުއްލި ގޮތަކަށް މަގާމުން ވަކިކުރައްވާފައެވެ. އެހެންނަވެސް އެ ބޭފުޅުން މަގާމުން ވަކިކުރި ސަބަބެއްވެސް މިހާތަނަށް ސަރުކާރަކުން ނުބުނެއެވެ.