މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ ހިސާބުތަކުން ދައްކާގޮތުން މީ 2024 ވަނަ އަގަރު މުދަލު ޒަކާތުގެ ގޮތުގައި ދެއްކިވަރަށް ވުރެ 1.7 މިލިއަން ރުފިޔާ އިތުރު އަދަދެކެވެ. މިދިޔަ އަހަރުގެ ޖެނުއަރީގައި މުދަލު ޒަކާތުގައި ގޮތުގައި ލިބުނީ 3.4 މިލިއަން ރުފިޔާއެވެ.
މުދަލު ޒަކާތުގެ ނިސާބަށް އެންމެ ފަހުން ބަދަލު ގެނައީ މިދިޔަ މަހުގެ 22ގައެވެ. މިހާރު ޒަކާތުގެ ނިސާބަކީ 8،800.05 ރުފިޔާއެވެ.
ޒަކާތު ހައުސްގެ އުފައްދާފައި އިފްތިތާހުކޮށްފައިވަނީ ޑިސެމްބަރު 18، 2023 ގައެވެ. ޒަކާތު ހައުސް އުފެއްދުމަށްފަހު މިދިޔަ އަހަރަކީ ރާއްޖޭގެ ތާރިހުގައި އެންމެ ގިނަ އަދަދަކަށް މުދަލު ޒަކާތް ލިބުނު އަހަރުކަމަށް އިސްލާމިކް މިނިސްޓްރީން ބުނެއެވެ. އެގޮތުން މިދިޔަ އަހަރު 101 މިލިއަނަށް ވުރެ ގިނަ ރުފިޔާ މުދަލު ޒަކާތުގެ ގޮތުގައި ވަނީ ލިބިފައެވެ.
މި އަހަރަށް ރައީސް ޑރ. މުއިއްޒި އިއްވެވި ރިޔާސީ ބަޔާނުގައި ވިދާޅުވީ އިންތިހާއީ ފަގީރުކަން ނެތް ދުވަހެއް ވަރަށް އަވަހަށް ދިވެހީން ދެކޭނެކަމަށެވެ. ޒަކާތުގެ ނިޒާމު ހަރުދަނާކޮށް ފުޅާކުރުމަށްޓަކައި އުފެއްދި ޒަކާތު ހައުސްގެ ސަބަބުން ރައްޔިތުންނާއި ޤައުމަށް މަންފާ ލިބެމުން އަންނަކަން އެމަނިކުފާނު ފާހަގަކުރެއްވިއެވެ. އެގޮތުން ފަޤީރުންގެ ދަފުތަރުގައި ރަޖިސްޓްރީވެފައިވާ ފަރާތްތަކަށް އާމްދަނީ ހޯދޭނެ ވަސީލަތްތައް މިހާރު ޤާއިމުކޮށްދޭން ފަށާފައިވާކަން ރައީސް ފާގަގަކުރެއްވިއެވެ.
