އެ އެޕިސޯޑުގައި ދިޕިކާ ޑިޕްރެޝަންއާ އެކު ކުރިމަތިލި ތަކުލީފުތައް ހިއްސާކޮށް އެކަމުން އަރާގަތްގޮތް އޭނާ ވަނީ ބެލުންތެރިންނަށް ހިއްސާކޮށްފަ އެވެ.
ގިނަ ދުވަސްތަކެއް ވަންދެން މުމްބާއީގައި އުޅެނިކޮށް އުނދަގޫތަކެއް ކުރިމަތިވި ކަމަށާއި، ކޮންމެވެސް ކަމެއް ގޯސްވެފައިވާކަން އެންމެ ފުރަތަމަ ފާހަގަ ކުރެވުނީ އޭނާގެ މަންމަ ކަމަށް ދިޕީކާ ބުންޏެވެ. އެ ދުވަސްވަރު އަމިއްލައަށް މަރުވުމާއި ފުރާނައަށް ގެއްލުންވާފަދަ ކަންކަން ކުރުމަށް ބޮލުތެރޭ އަޑުތަކެއް އިވެމުންދިޔަކަމަށް ދީޕިކާ ކިޔައިދިނެވެ.
ސްކޫލް ނިންމުމަށްފަހު ކުރާނެ ކަމެއް އަމިއްލައަށް ދެނެގަތުމަށްޓަކައި ކުޅިވަރުގެ ދާއިރާއަށް ވަދެ އަދި މާގިނަދުވަސްތަކެއް ނުވެ، މޮޑެލިން އިންޑަސްޓްރީއަށް ވަނުމަށްފަހު، އޭގެންވެސް ކެނޑި ދެން އެކްޓިންއަށް ދިޔަ ކަމަށް ދީޕިކާ ކިޔައިދިނެވެ. އަދި 2014 އާ ހަމައަށް ދަންދެން ކުރާނެ ކަމެއް ހޯދުމަށް ވަރުބަލި ދުވަސްތަކެއް ހޭދަކުރަމުންދަނިކޮށް އެއްދުވަހަކު ބޯއަނބުރާގަނެގެން ވެއްޓުނު ކަމަށް ދީޕިކާ ކިޔައި ދިނެވެ. އަދި އެއީ ޑިޕްރެޝަން ހުރިކަން ފާހަގަވި ހިސާބުކަން ދީޕިކާ ބުންޏެވެ.
ދީޕިކާ ބުނީ ވަށައިގެން ހާސްކަމާ ނުވަތަ ޑިޕްރެޝަން އާއި ކުރިމަތިލާ އެތައް ހާސް ބަޔަކު ތިބި ކަމަށެވެ. އަދި އެކަން ދުވަހަކުވެސް ނޭނގިދާނެ ކަމަށާއި ސަބަބަކީ ބޭރުފުށަށް އެމީހުން ފެންނަނީ އުފާވެރި އަދި އާދައިގެ ގޮތަކަށް ކަމަށްވާތީ އެވެ.
އެހިސާބަށް ދުލުން ބަސްތައް ބޭރުވުމުން މަންމައަށް ދީޕިކާއަށް ވެފައި ހުރި އެނގުނު ކަމަށާއި ސައިކޮލޮޖިސްޓއެއް ކައިރިއަށް ދިޔުމަށް އަވަސްވެގަތުމަށް މަންމަ ނަސޭހަތްތެރިވިކަމަށް ދީޕިކާ ކިޔައިދިނެވެ.
އާންމުގޮތެއްގައި ކޮންމެމީހަކަށްވެސް އަމިއްލައަށް ނަފްސާނީ ކަންކަމުގެ ވާހަދެއްކުމަކީ ނިކަން އުނދަގޫ ކަމެއް ކަމަށާއި ނަަމަވެސް ހިތްވަރުކޮށްގެން ސައިކޮލޮޖިސްޓްއަށް ހުރިހާ ކަމެެއް ކިޔައި ދިނުމުން ވަރަށް އަވަހަށް ނަފްސަށް ބޮޑު ލުޔެއް ލިބެން ފެށިކަަމަށް ދީޕިކާ ބުންޏެވެ.
ދީޕިކާ ޕަޑުކޯން އާއި އޭނާގެ ފިރިމީހާ ރަންވީރު ސިންގް ވަނީ މިދިޔަ އަހަރުގެ ސެޕްޓެމްބަރު މަހު ފުރަތަމަ ދަރިފުޅަށް، އަންހެން ދަރިފުޅަށް މަރުހަބާ ކިޔާފަ އެވެ. އެދަެމަފިރިން ދަރިފުޅަށް ނަންދިނީ ދުއާ އެވެ. މިހާރު ވިހެއުމަށް ފަހު ބްރޭކެއްގައި ދީޕިކާ ހުރިއިރު އޭނާ ވަރަށް އަވަހަށް ޕްރަބާސް އާއި އަމީތާބް ބައްޗަންއާ އެކު ކަލްކީ 2 އަަކަށް ޝޫޓް ކުރުމަށް ތައްޔާރުވާނެކަމަށް އިންޑިއާގެ މީޑިއާތަކުން ބުނެ އެވެ.
