އުރީދޫ އިން ބުނީ މި ފެސްޓިވަލްގައި ޕަބްޖީ މޮބައިލް، މޮބައިލް ލެޖެންޑްސް: ބޭންގް ބޭންގް އަދި އީއޭއެފްސީ މުބާރާތްތަކުގެ އިތުރުން ކޮސްޕްލޭ މުބާރާތެއްވެސް ބޭއްވުމަށް ވަނީ ހަމަޖެހިފައިވާކަމަށެވެ.
ފެސްޓިވަލްގެ އެންމެ ބޮޑު އިނާމެއްގެ ގޮތުގައި ޕަބްޖީ މޮބައިލް މުބާރާތުގެ ޗެމްޕިއަނުންނަށް 50،000 ރުފިޔާ ކަނޑައަޅާފައިވާއިރު، އެމްއެލްބީބީ އަދި އީއޭއެފްސީ މުބާރާތްތަކުގެ ޗެމްޕިއަނުންނަށް 20،000 ރުފިޔާގެ އިނާމު ލިބޭނެއެވެ. މީގެ އިތުރުން ކޮސްޕްލޭ މުބާރާތުގެ އެއްވަނައަށް 5،000 ރުފިޔާ ލިބޭނެއެވެ.
އުރީދޫއިން މި ފެސްޓިވަލް ބާއްވަނީ ރާއްޖޭގެ ގޭމިން ކޮމިއުނިޓީ ކުރިއެރުވުމަށް ކުރަމުންދާ މަސައްކަތުގެ ތެރެއިންނެވެ. އަދި މި ފެސްޓިވަލްގައި 2024 ވަނަ އަހަރުގެ އެންމެ މޮޅު ކުޅުންތެރިޔާއަށް 30،000 ރުފިޔާގެ އިނާމެއް ދިނުމަށްވެސް ވަނީ ހަމަޖެހިފައެވެ.
ފެސްޓިވަލްގައި ބައިވެރިވާ ކުޅުންތެރިންނާއި ބެލުންތެރިންނަށް ހިތްގައިމު ހަރަކާތްތަކާއި ގޭމިން ޝޯކޭސްތަކުގެ އިތުރުން ފުރިހަމަ ތަޖުރިބާއެއް ލިބިގެންދާނެކަމަށް އުރީދޫއިން ބުނެފައިވެއެވެ.
