އަންނަ ހަފުތާގައި ފެށިގެންދާ އާ ނިޒާމުގެ ދަށުން، މުދަލު ޒަކާތުގެ އިތުރުން ސަދަގާތާއި ހިބައާއި އަދި އެހެނިހެން ހެޔޮކަންކަމަށް ދޭ ފައިސާ ޒަކާތު ހައުސްއަށް ޖަމާކުރެވޭނެއެވެ. މި ނިޒާމުގެ މައިގަނޑު މަގުސަދަކީ ރާއްޖޭގެ ރައްޔިތުން ހެޔޮކަންކަމަށް ކުރާ ހޭދަ، އެންމެ ބޭނުންޖެހިފައިވާ ދާއިރާތަކަށް ހަރުދަނާ ގޮތެއްގައި ފޯރުކޮށްދިނުމެވެ.
އިސްލާމިކް މިނިސްޓްރީން ފާހަގަކުރި ގޮތުގައި ރާއްޖޭގެ ގިނަ ރަށްތަކުގައި މިސްކިތްތަކާއި ގުރުއާން ކްލާސްތަކަށް އެކި ވަސީލަތްތައް ހޯދުމަށް ބޭނުންވެފައިވެއެވެ. މިފަދަ ދާއިރާތަކަށް އެހީތެރިކަން ފޯރުކޮށްދިނުމަކީ މުޖުތަމައު ހެޔޮގޮތުގައި ބިނާކުރުމަށް މުހިންމު ކަމެއް ކަމުގައި އެ މިނިސްޓްރީން ބުންޏެވެ.
ރާއްޖޭގެ ޒަކާތު ހައުސް އިސްލާމީ ދުނިޔޭގެ ނަމޫނާ ޒަކާތު އިދާރާއަކަށް ހެދުމަށް ކުރެވޭ މަސައްކަތުގެ ތެރެއިން، ކުވައިތުގެ ޒަކާތު ހައުސްގެ އުސޫލުތަކާއި ހަރުދަނާ ނިޒާމުތައް ބޭނުންކުރެވޭނެ ކަމަށްވެސް އިސްލާމިކް މިނިސްޓްރީން ހާމަކުރިއެވެ.
