މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ނެޝަނަލް އާކައިވްސްގެ ޑިރެކްޓާ ޖެނެރަލް މުހައްމަދު އާމިރު އަހުމަދެވެ.
ސައުދީ އަރަބިއާގެ ރިޔާދުގައި ސޮއިކުރެވުނު މި އެއްބަސްވުމުގެ ދަށުން އާކައިވްސް ބެލެހެއްޓުމާއި، އިންޑެކްސްކުރުމާއި، ފޮޓޯ އަދި އޯޑިއޯ ވިޝުއަލް ތަކެތި ރައްކާތެރިކުރުމުގެ މަސައްކަތްތައް ހިމެނެއެވެ. މީގެ އިތުރުން، މި ދާއިރާއިން މުވައްޒަފުން ތަމްރީނުކުރުމާއި، ޒަމާނީ ޓެކްނޮލޮޖީ ބޭނުންކޮށްގެން އާކައިވްކުރުމުގެ މަސައްކަތްތައް ކުރިއަށް ގެންދިއުމަށްވެސް އެއްބަސްވެފައިވެއެވެ.
މި އެއްބަސްވުމަކީ އިސްލާމީ ގައުމުތަކުގެ އިސްވެރިންގެ މަހާސިންތާގެ ތެރެއިން ވެވުނު އެއްބަސްވުމެކެވެ.
ދުވަސްވީ ތަކެތި މަރާމާތުކޮށް ބެލެހެއްޓުމާއި، އެ ތަކެތި ބޭނުންކުރެވޭ ހާލަތަށް ގެނައުމުގެ މަސައްކަތްތަކަށްވެސް މި އެއްބަސްވުމުގެ ދަށުން އެހީތެރިކަން ލިބިގެންދާނެއެވެ.
