އެންސިސްގެ ހުޅުމާލޭ ފެކްޓްރީ-- ފޮޓޯ: އެންސިސް
އެންސިސް ފިޝަރީޒްއިން ޗައިނާއަށް މަސް އެކްސްޕޯޓްކުރަން ފަށަނީ
ގުފްތަގް އަޖީރު
22 ފެބްރުއަރީ 2025 - 11:34:42
އެންސިސް ފިޝަރީޒްއިން ޗައިނާއަށް މަހުގެ އުފެއްދުންތައް އެކްސްޕޯޓްކުރުމަށް ޗައިނާގެ ޒިންޖުއާން ސޯވް ބެއިޖިން ކޮމާޝަލް މެނޭޖްމަންޓް ކޯޕަރޭޝަނާއެކު އެއްބަސްވުމެއްގައި ސޮއިކޮށްފިއެވެ.
Advertisement
ބެއިޖިންގައި ބޭއްވުނު ރަސްމިއްޔާތެއްގައި މި އެއްބަސްވުމުގައި އެންސިސް ފިޝަރީޒްގެ ފަރާތުން ސޮއިކުރެއްވީ ކުންފުނީގެ ޖެނެރަލް މެނޭޖަރ ހުސައިން އަފީފެވެ. އަދި ޗައިނާގެ ކުންފުނީގެ ފަރާތުން ސޮއިކުރެއްވީ އެ ކުންފުނީގެ ޗެއަރމަން ލިން ޔުޗެންޖެވެ.
މި އެއްބަސްވުމުގެ ދަށުން އެންސިސް ފިޝަރީޒްއިން އުފައްދާ ދަޅުމަހާއި ގަނޑުކުރި ރޯމަސް ފަދަ އުފެއްދުންތައް ޗައިނާގެ ބާޒާރަށް ނެރެވޭނެއެވެ. މިއީ މިއަހަރުގެ ޖަނަވަރީ 1 ވަނަ ދުވަހުން ފެށިގެން އަމަލުކުރަން ފެށި ރާއްޖެ-ޗައިނާ މިނިވަން ވިޔަފާރީގެ އެއްބަސްވުމުގެ ދަށުން ވެވުނު އެއްބަސްވުމެކެވެ.
އިކޮނޮމިކް މިނިސްޓަރު މުހައްމަދު ސައީދު ވިދާޅުވީ "މި އެއްބަސްވުމަކީ ދިވެހި އުފެއްދުންތަކަށް ބޭރުގެ ބާޒާރުތަކުން ފުރުސަތު ހޯދައިދިނުމަށް ރައީސް ޑރ. މުހައްމަދު މުއިއްޒު އަޅުއްވަމުން ގެންދަވާ ފިޔަވަޅުތަކުގެ ނަތީޖާއެއް،" ކަމަށެވެ.
ސަރުކާރުން ބުނީ މި އެއްބަސްވުމުގެ ސަބަބުން ދިވެހި މަސްވެރިކަމުގެ އުފެއްދުންތަކަށް އިތުރު ފުރުސަތުތަކެއް ލިބި، ވަޒީފާގެ އާ ފުރުސަތުތައް އުފެދިގެންދާނެ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
