އެމަނިކުފާނު މިހެން ވިދާޅުވީ މިހާރު ދެ އަތޮޅަށް ކުރައްވާ ދަތުރުފުޅުގައި އެ އަތޮޅު ވެރިރަށް ކުޑަހުވަދޫގެ ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުންނެވެ.
ރައީސް މުއިއްޒު ވިދާޅުވީ ކަރަންޓް ބިލްތަކާއި ގުޅޭގޮތުން ރައްޔިތުންގެ މެދުގައި ނުތަނަވަސްކަން އުފައްދަން ދޮގު ވާހަކަތައް ދައްކަމުން އަންނަކަމަށެވެ. އެގޮތުން ރޯދަމަހު ސަރުކާރުން ދިން މަސްދަޅުތަކަށް ކުރި ހޭދަ ހޯދަން އެބައި ފެން ބިލާއި ކަރަންޓް ބިލުން އަތުލާނެކަމަށް ބުނެ ވާހަކަތައް ދައްކަމުން އަންނަކަމަށެވެ.
ރައީސް މިރޭވެސް ވަނީ ރައްޔިތުން ކިބައިން ދޮގު ތެރު ދެނެގަތުމަށް އިލްތިމާސްކޮށްފައެވެ. އެމަނިކުފާނު ވިދާޅުވީ މީހަކު ދައްކާހާ ވާހަކައެއް ހަމަ ބަލާލުމެތް ނެތި ގަބޫކުރުމަކީ ދީނީ ގޮތުންވެސް ހުއްދަކަމެއް ނޫންކަމަށެވެ.
މިދިޔަ ރޯދަމަހު ސަރުކާރުން ކަރަންޓް ބިލާއި ފެން ބިލުން 142 މިލިއަން ރުފިޔާގެ ޑިސްކައުންޓް ދީފައިވާކަަމަށް ރައީސް މުއިއްޒު ވަނީ ވިދާޅުވެފައެވެ. މީގެއިތުރުން މިދިޔަ ރޯދަމަހު 82،000 ގޭބިސީއަކަށް 1.6 މިލިއަން ކިލޯގެ ކާޑު ދޫކޮށްފައިވާކަމަށްވެސް ސަރުކާރަށް އަހަރެއް ފުރުނު ދުވަހު ބޭއްވި ޖަލްސާގައި ރައީސް މުއިއްޒު ވިދާޅުވިއެވެ.
