ވެމްކޯއިން ބުނީ ރޯދަ މަހަށް ތައްޔާރުވުމުގެ ގޮތުން މިހާރު ކުނި ނަގަމުން އަންނަނީ ކޮންމެ ރެޔަކު 20:30 ގައިކަމަށެވެ. އަދި މި ބަދަލާއި އެކު ރޯދަމަސް ނިމި އަންނަ އޭޕްރިލްމަހުގެ ހަތްވަނަ ދުވަހާއި ހަމައަށް ކުނި ނަގަމުން އަންނަނީ މިގަޑީގައިކަމަށް ވެމްކޯއިން ބުނެއެވެ.
ކުނި ތައްޔާރު ކުރާނީ ރޭގަނޑު 19:00 އިން 20:00 އާއި ދެމެދުކަމަށްވެސް ވެމްކޯއިން ބުނެއެވެ.
ރޯދަމަހު މާލޭގެ ގޭބިސީތަކުން ކުނި ނެގުމުގެ ހިދުމަތް ދޭނީ ރޭގަނޑު 08:30 އިން ދަންވަރު 02:30 އަށެވެ. ހުޅުމާލޭގައި ކުނި ނަގާނީ ރޭގަނޑު 09:00 އިން ދަންވަރު 01:00 އަށެވެ. އަދި ވިލިމާލޭގައި ހިދުމަތް ދޭނީ ރޭގަނޑު 09:30 އިން ދަންވަރު 01:30 އަށެވެ.
ރޯދަމަށް ތައްޔާރުވުމުގެ ގޮތުން މިމަހުގެ 23 އިން ފެށިގެން މާލޭގައި ކުނި ނަގަމުން އަންނަ ގަޑި ބަދަލުވި ނަމަވެސް ހުުމާލެއާއި ވިލިމާލޭގެ ގަޑިތަކަށް ބަދަލު އަންނަނީ ރޯދަމަހުގެ ފުރަތަމަ ދުވަހުން ފެށިގެންކަމަށް ވެމްކޯއިން ބުނެއެވެ.
ކުނި ނެރުމުގައި ބިއްލޫރި ނުވަތަ ތޫނު އެއްޗެއް އުކާލާނާމަ، އެއިން ވެށިފާރަވެރިންނަށް ގެއްލުން ނުވާނެހެން ރީއްޗަށް ބަންދު ކޮށްފައި ވަކިން ބެހެއްޓުމަށް ވެމްކޯއިން އެދެއެވެ.
