ads
ޑރ ޝަހީމާއި އޭނާގެ 13 އަހަރުގެ ދަރިކަލުން އިލްޔަސައު މުހައްމަދު ޝަހީމް
ރަޝީދު މިސްކިތުގައި ތަރާވީސްކުރަނީ ޝަހީމްގެ ދެބައިފައިން
ހުޅުމާލޭގައި ހުންނަ ރަޝީދު މިސްކިތުގައި މި ރޯދަމަހު އިމާމްވެ ތަރާވީސްކުރަނީ އިސްލާމިކް މިނިސްޓަރު ޑރ ޝަހީމްގެ ދެބަފައިންކަމަށް އިސްލާމިކް މިނިސްްޓްރީން ބުނެފިއެވެ.
Advertisement

މިނިސްޓްރީން ބުނީ ރަޝީދު މިސްކިތުގައި ތަރާވީސް ނަމާދާއި ދަމު ނަމާދު ކުރާނީ ޑރ . ޝަހީމާއި އޭނާގެ 13 އަހަރުގެ ދަރިކަލުން އިލްޔަސައު މުހައްމަދު ޝަހީމް ކަމަށެވެ.

2022 ވަނަ އަހަރު ރަޝީދު މިސްކިތް ހުޅުވި ފަހުން އެތަނުގައި މިދިޔަ ދެ އަހަރުވެސް އިމާމްވެ ތަރާވީހު ނަމާދުކޮށްފައިވަނީ ޑރ. ޝަހީމްއެވެ. ޝަހީމްގެ ދަރިކަލުން އިލްޔަސައު އަންނަނީ ބައެެއް ރަސްމީ ހަލާތަކުގައިވެސް ގުރުއާން ކިޔަވަމުންނެވެ. 

މި އަހަރު ރޯދަމަހު މާލޭގެ އެންމެ ބޮޑު ދެ މިސްކިތުގައިވެސް އިމާވެ ތަރާވީހު ނަމާދާއި ދަމު ނަމާދުކުރުމަށް ހަމަޖެހިފައިވަނީ ޒުވާނުންނެވެ. އެގޮތުން އިސްލާމީ މަރުކަޒުގައި ތަރާވީހާއި ދަމު ނަމާދު އިމާމްވެ ކުރަނީ ހަތަރު ޒުވާނުންނެވެ. އޭގެތެރެއިން އަލްހާފިޒު ސަލްމާން މުހައްމަދު ލަތީފާއި ސަލްމާނާއި ސުލްތާނަކީ މަރުކަޒުގެ އިސް އިމާމު ޝައިހް މުހައްމަދު ލަތީފްގެ ދެ ބޭފުޅުންނެވެ. ދެމް މަރުކަޒުގައި އިމާމްވެ ތަރާވީހާއި ދަމު ކުރާނީ އަލްހާފިޒް އުވައިސް ބިން އިނާޒާއި އަލްހާފިޒް ހިސްރު ބިން އިމާދުއެވެ. 

ސަލްމާމް މިސްކިތުގައި އިމާމުންގެ ގޮތުގައި ތަރާވީހާއި ދަމު ނަމާދުކުރާނީ އަލްހާފިޒް އާދަމް މިޝްއަލް ޝާމިން އާއި އަލްހާފިޒް މުހައްމަދު މިޝްއަލް އާޒިމާއި އަލްހާފިޒް އަބްދުﷲ އަހްސަން ސައީދުއެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް