މިނިސްޓަރު މި ވާހަކަ ވިދާޅުވެފައިވަނީ އެމްޑީޕީގެ ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް ކުރެއްވި ސުވާލަކަށް ރައްޔިތުންގެ މަޖިލީހަށް ލިޔުމުން ދެއްވި ޖަވާބުގައެވެ. މެންބަރު މުހައްމަދު އިބްރާހިމް ސުވާލުކުރެއްވީ، ޗައިނާއިން ރާއްޖެ އެތެރެކުރާ ދުންފަތުގެ ބާވަތްތަކާއި ސިނގިރޭޓުން ނަގާ އިމްޕޯޓް ޑިއުޓީއާއި މޯލްޑިވްސް ކަސްޓަމްސް ސާވިސްއިން ހާމަކޮށްފައިވާ ޑިއުޓީ ރޭޓުތަކުގައި ހިލާފުތަކެއް ހުރިކަމަށް ފެންނާތީއެވެ.
އިކޮނޮމިކް މިނިސްޓަރު ސައީދު ދެއްވި ޖަވާބުގައި ކަނޑައެޅިގެން ވިދާޅުވެފައިވަނީ ޗައިނާއާއެކު ސޮއިކޮށްފައިވާ މިނިވަން ވިޔަފާރީގެ އެއްބަސްވުމުގެ ސަބަބުން އެ ގައުމުން ރާއްޖެއަށް އެތެރެކުރާ ސިނގިރޭޓާއި ދުންފަތުގެ ބާވަތްތަކުން ޑިއުޓީ މައާފްނުވާނެ ކަމަށެވެ. އަދި އެފްޓީއޭގެ ދަށުން ޗައިނާއިން އިމްޕޯޓްކުރާ ދުންފަތުގެ ބާވަތްތަކުން ޑިއުޓީ ނެގޭނެ ކަމަށްވެސް މިނިސްޓަރު ވިދާޅުވިއެވެ.
އެފްޓީއޭގެ ދަށުން އެތެރެކުރާ ދުންފަތުގެ ބާވަތްތަކާއި ސިނގިރޭޓުން ނަގާ ޑިއުޓީން ދައުލަތަށް ލިބޭ އާމްދަނީ ބުރަވާނީ ދުންފަތުގެ ބާވަތްތަކާއި ސިނގިރޭޓް އިމްޕޯޓް ކުރާ މިންވަރުގެ މައްޗަށް ކަމަށްވެސް މިނިސްޓަރު ސައީދުގެ ޖަވާބުގައި ވިދާޅުވެފައިވެއެވެ.
