ads
އިބުރާ- ފޮޓޯ: ސީއެންއެމް
ސުޕްރީމް ކޯޓުގައި "ތަޅު އަޅުވައިގެން" ހައިކޯޓަށް ހުށަހެޅި މައްސަލަ އަދި ބަލައިނުގަނޭަ
ސުޕްރީމް ކޯޓުގެ ތިން ފަނޑިޔާރުން ސަސްޕެންޑުކުރުމަކީ އެ ކޯޓަށް ތަޅުއެޅުވުމެއް ކަމަށް ބުނެ ގާނޫނުއަސާސީ ޑްރާފްޓުކުރި ކޮމިޓީގެ މުގައްރިރު އިބްރާހިމް އިސްމާއިލް (އިބްރާ) ހައިކޯޓަށް ހުށަހެޅުއްވި މައްސަލަ ބަލައިގަތުމާމެދު އެކޯޓުން މިއަދު ހަމައަށްވެސް ގޮތެއް ނިންމާފައި ނުވާކަމަށް ހައިކޯޓުން މިއަދު ބުނެފިއެވެ.
Advertisement

މިދިޔަ ހުކުރު ދުވަހު އިބްރާ މި މައްސަލަ ހައިކޯޓަށް ހުށަހެޅުއްވީ ސުޕްރީމް ކޯޓުގެ ތިން ފަނޑިޔާރުން ކަމަށްވާ ހުސްނުއްސުއޫދާއި މަހާޒު އަލީ ޒާހިރާއި ޑރ. އަޒްމިރަލްދާ ޒާހިރު ސަސްޕެންޑުކުރުމާ ގުޅިގެންނެވެ. އިބްރާ ވިދާޅުވި ގޮތުގައި ސުޕްރީމް ކޯޓުގެ ތިން ފަނޑިޔާރުން ކުއްލި ގޮތަކަށް ސަސްޕެންޑުކުރުމަކީ އެކޯޓުގައި ތަޅުއެޅުވުމެކެވެ. މީގެ ކުރިން އިބްރާ ވަނީ ސިޔާސީ ކަންކަމަށް ހައްލު ހޯދަންޖެހޭނީ ސިޔާސީ ދާއިރާއިން ކަމަށާއި އެކަމަށް ގާނޫނުއަސާސީއާއި ޖުޑިޝަރީ އުވާލައިގެން ނުވާނެކަމަށް ވެސް ވިދާޅުވެފައެވެ.

ޖުޑިޝަލް ސާވިސް ކޮމިޝަން (ޖޭއެސްސީ)ން ތިން ފަނޑިޔާރުން ސަސްޕެންޑުކުރީ އެންޓި ކޮރަޕްޝަން ކޮމިޝަން (އޭސީސީ)ން ބަލަމުންދާ ޖިނާއީ މައްސަލައަކާ ގުޅިގެން ކަމަށް ބުނެފައިވެއެވެ. ނަމަވެސް މިމައްސަލަތަކާ ގުޅޭ ތަފުސީލެއް ދެ ކޮމިޝަނުން ވެސް ހާމަކޮށްފައެއް ނުވެއެވެ.

ހުސްނުއްސުއޫދު ވަނީ ފަނޑިޔާރުންނަށް ރައީސް ޑރ. މުހައްމަދު މުއިއްޒު ބިރުދައްކަވައި، ނުފޫޒު ފޯރުވާކަމަށް ވިދާޅުވެ އިސްތިއުފާ ދެއްވާފައެވެ. ސުއޫދުގެ އިސްތިއުފާގައި ބަންޑާރަ ނައިބު އަހުމަދު އުޝާމާއި ޖޭއެސްސީގެ ރައީސް ހުސައިން ރިޒާ އާދަމާއި އޭސީސީގެ ރައީސް އާދަމް ޝާމިލަށް ވެސް ނުފޫޒު ފޯރުވުމުގެ ތުހުމަތު ކުރައްވާފައިވެއެވެ.

ސުއޫދުގެ އިސްތިއުފާގައި ވިދާޅުވެފައިވަނީ ޕާޓީތަކުން ވަކިކުރާ އަދި އަމިއްލައަށް ވަކިވާ މެންބަރުންގެ ގޮނޑި ގެއްލޭ ގޮތަށް ގާނޫނު އަސާސީއަށް ގެނެސްފައިވާ އިސްލާހު ބާތިލުކުރުމަށް އެދި ސުޕްރީމް ކޯޓަށް ހުށަހަޅައިފައިވާ މައްސަލައަށް ނުފޫޒު ފޯރުވަން މަސައްކަތްކުރާ ކަމަށެވެ. 

ތިން ފަނޑިޔާރުން ސަސްޕެންޑުކުރީ ސުޕްރީމް ކޯޓުގެ ފަނޑިޔާރުންގެ އަދަދު ހަތަކުން ފަހަކަށް މަދުކުރަން ފާސްކުރި ދުވަހާއި އަދި ގޮނޑި ގެއްލޭ އިސްލާހަށް އަމަލުކުރުން ހުއްޓުވުމަށް ވަގުތީ އަމުރަކަށް އެދި ހުށަހެޅި މައްސަލައިގެ އަޑުއެހުމެއް ބާއްވަން ތާވަލުކޮށްފައި އޮތް ދުވަހުއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް