މީގެ އިތުރުންމިދިޔަ އަހަރު 9168 ޔުނިޓުގެ ލޭ ބަލިމީހުންނަށް އަޅާފައިވެއެވެ.
އެމްބީއެސް އިން ބުނެފައިވާ ގޮތުގައި ސެންޓްރަލް ބްލަޑް ބޭންކަށް ލިބިފައިވާ ލޭގެ 60 ޕަސަންޓަކީ ވަކިވަކި ޕޭޝަންޓުންނަށް ހަދިޔާކޮށްފައިވާ ލެއެވެ. މީގެ އިތުރުން 25 ޕަސަންޓަކީ ބްލަޑް ބޭންކުން ހަދިޔާކޮށްފައިވާ ލެއެވެ. އަދި 8 ޕަސަންޓަކީ އެހެނިހެން ގޮތްގޮތުން ހަދިޔާކޮށްފައިވާ ލޭކަމަށް އެމްބީއެސް އިން ބުނެއެވެ.
އެމްބީއެސް އިން ބާއްވާފައިވާ 83 ބްލަޑް ޑޮނޭޝަން ކޭމްޕް މެދުވެރިކޮށް 2964 ބްލަޑް ޕޮއިންޓް ހޯދާފައިވެއެވެ. މިދިޔަ އަހަރު ލޭ ހަދިޔާކުރި 6587 ޑޯނަރުންގެ ހިމަގްލޮބިން ލެވެލް ބަލައި، 6451 ޑޯނަރުންގެ ބްލަޑް ގްރޫޕް ދެނެގަނެވިފައިވެއެވެ.
މީގެ އިތުރުން އެމްބީއެސް އިން ތެލެސީމިއާއަށް ހޭލުންތެރިކުރުމުގެ ގޮތުން 124 ސްކޫލެއްގައި ސްކްރީނިން ޕްރޮގްރާމްތައް ހިންގައި، 6765 ދަރިވަރުން ސްކްރީން ކޮށްފައިވެއެވެ. އަދި ސްކޫލް ކުދިންނާއި، ބެލެނިވެރިންނާއި އެހެނިހެން ފަރާތްތައް ހިމެނޭހެން ޖުމްލަ 9976 މީހުން ބައިވެރިކޮށް 122 އެވެއާނަސް ސެޝަން ބާއްވާފައިވެއެވެ. އަތޮޅުތަކުގެ ސިއްހީ މަރުކަޒުތަކުގައި މަސައްކަތްކުރާ ފަންނީ މުވައްޒަފުންނަށް އަމާޒުކޮށްގެން ތެލެސީމިއާއަށް ހޭލުންތެރިކުރުމުގެ ވާޗުއަލް ޓްރެއިނިން ސެޝަންތަކެއްވެސް ބާއްވާފައިވާކަމަށް އެމްބީއެސް އިން ބުނެއެވެ.
