ads
ދިވެހިރާއްޖޭގެ ސްޕްރީމް ކޯޓް: ފައިލް ފޮޓޯ
ސުޕްރީމް ކޯޓުގެ ފަނޑިޔާރުކަމަށް ކުރިމަތިލާން ހުޅުވާލައިފި
ސުޕްރީމް ކޯޓުގެ ފަނޑިޔާރުކަމަށް ކުރިމަތިލާން ޖުޑީޝަލް ސާވިސް ކޮމިޝަން (ޖޭއެސްސީ) އިން މިއަދު ހުޅުވާލައިފި އެވެ.
Advertisement

އެ ކޮމިޝަނުން ކުރި އިއުލާނުގައި ބުނީ، ސުޕްރީމް ކޯޓުން ހުސްވެފައިވާ މަގާމަށް ކުރިމަތިލާން އަންނަ ބުދަ ދުވަހާ ހަމަ އަށް ފުރުސަތު ދީފައިވާ ކަމަށެވެ. އެ މަގާމަށް ކުރިމަތިލާން ހުޅުވާލީ، ފަނޑިޔާރުކަމުގެ މަގާމުން ހުސްނުއްސުއޫދު މިދިޔަ ހަފްތާގައި އިސްތިއުފާ ދެއްވުމުންނެވެ.

ސުޕްރީމް ކޯޓުގެ ފަނޑިޔާރުކަމަށް ކުރިމަތިލައްވާ ބޭފުޅުންގެ ޝަރުތުތަކުގެ ތެރޭގައި އުމުރުން 30 އަހަރު ވެފައިވުމާއި ފަނޑިޔާރުކަމުގައި ނުވަތަ ގާނޫނީ ވަކީލުކަން ކުރުމުގައި މަދުވެގެން ހަތް އަހަރު ދުވަހުގެ ތަޖުރިބާ ލިބިފައިވުން ހިމެނެ އެވެ.

ސުޕްރީމް ކޯޓުގެ ފަނޑިޔާރުންނަށް މުސާރަ އާއި އިނާޔަތްތަކާ އެކު މަހަކު 70،000ރ. ލިބިވަޑައިގަންނަވާއިރު، ކޮންމެ ފަނޑިޔާރަކަށް ކާރުކޮޅަކާއި ސެކިއުރިޓީ އަދި އެހެނިހެން އިނާޔަތްތައް ވެސް ލިބިވަޑައިގަންނަވާނެ އެވެ.

ސުޕްރީމް ކޯޓުގެ ފަނޑިޔާރުކަމުގެ މަގާމަށް ހުޅުވާލިއިރު، އެ ކޯޓުގެ ދެ ފަނޑިޔާރަކު ތިބީ މިހާރުވެސް ސަސްޕެންޑްކޮށްފަ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް