ads
މަރިޔަމް ޝަމްއާ އިސްމާއިލް - ޕޮޓޯ:ކޮންސިއުމާ އެންބަސްޓްމަންޓު އޮފީސް
ރެޖިސްޓްރާ އޮފް ކޮންޕަނީސްގެ މަގާމަށް ޝަމްއާ އައްޔަންކޮށްފި
އިކޮނޮމިކް މިނިސްޓްރީގެ ރަޖިސްޓްރާ އޮފް ކޮމްޕެނީސްގެ މަގާމަށް ޝަމްއާ އިސްމާއިލް އައްޔަންކޮށްފި އެވެ.
Advertisement

ރެޖިސްޓްރާ އޮފް ކޮމްޕެނީސްގެ މަގާމު ހުސްވީ އެ މަގާމުގައި ކުރިން ހުންނެވި މަރިޔަމް ވިސާމް މި މަހު ފަސްވަނަ ދުވަހު އެ މަގާމުން އިސްތިއުފާ ދެއްވުމުންނެވެ.

ގާނޫނީ ދާއިރާއިން ތައުލީމް ހާސިލުކުރައްވައިގެން ހުންނެވި ޝަމްއާ އެ މަގާމަށް އައްޔަންކުރިކަން އިއުލާންކުރެއްވީ އިކޮނޮމިކް މިނިސްޓަރު މުހައްމަދު ސައީދު މިއަދު އެކްސްގައި ކުރެއްވި ޕޯސްޓެއްގަ އެވެ.

އެ ޕޯސްޓުގައި ސައީދު ވަނީ ޝަމްއާއަށް މަރުހަބާ ވެސް ވިދާޅުވެފަ އެވެ.

ޝަމްއާ ވަނީ 2004ވަނަ އަހަރު އިނގިރޭސިވިލާތުގެ ޔުނިވާސިޓީ އޮފް ދަ ވެސްޓް އޮފް އިންގްލޭންޑް އިން ބެޗްލާ އޮފް ލޯސް ހާސިލްކުރައްވައިފަ އެވެ. އަދި 2021ވަނަ އަހަރު ކޮންސިއުމާ އޮމްބަޑްސްމަންގެ މަގާމު އަދާކުރައްވާފައި ވާއިރު، އޭގެ ކުރިން ޝަމްއާ ހުންނެވީ އިކޮނޮމިކް މިނިސްޓަރީގެ ލީގަލް ކޮންސަލްޓަންޓެއްގެ މަގާމުގަ އެވެ.

އަދި މީގެ އިތުރުން ޝަމްއާ ވަނީ ހިއުމަން ރައިޓްސް ކޮމިޝަންގެ ޑިރެކްޓާ އޮފް ލީގަލް އެންޑް ޕޮލިސީ އެފެއާޒްގެ މަޤާމާއި ސުޕްރީމް ކޯޓުގެ ރަޖިސްޓްރާގެ މަޤާމު ވެސް ކުރިން އަދާކުރައްވާފަ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް