ބްލެކްސްޓޯންއިން 500 މިލިއަން ޑޮލަރު އިންވެސްޓްކޮށް ކުންފުނީގެ ކޮންޓްރޯލިން ޝެއާ ހޯދަނީ އެ ކުންފުނިން ޓީއެމްއޭ ވިއްކާލިތާ 8 އަހަރު ފަހުންނެވެ.
އިކޮނޮމިކް ޓައިމްސް އޮފް އިންޑިއާއިން ޝާއިއުކުރި ރިޕޯޓެއްގައި ބުނާގޮތުން، ބްލެކްސްޓޯންއިން މި ކުންފުނި 2017 ގައި ވިއްކާލާފައިވަނީ ހަމަ މިހާރު ގަންނަން އުޅޭ އަގާ ގާތްކުރާ އަގެއްގައެވެ. 2017 ގައި ބްލެކްސްޓޯންއިން 98 މިލިއަން ޑޮލަރުގެ އިނީޝަލް އިންވެސްޓްމަންޓެއް 500 މިލިއަން ޑޮލަރަށް ވިއްކާލާފައިވެއެވެ.
ޓީއެމްއޭގެ މައި ވިޔަފާރިއަކީ މާލޭ-ވެލާނާ އިންޓަނޭޝަނަލް އެއަރޕޯޓުން ރާއްޖޭގެ ރަށްތަކަށް މަތީ ފަންތީގެ ޓޫރިސްޓުން އުފުލުމެވެ. ނަމަވެސް ބެއިން ކެޕިޓަލްގެ އުންމީދުތައް ފުނޑުވާލީ ކޯވިޑް-19 ބަލިމަޑުކަމާ ގުޅިގެން ދުރު ދަތުރުތަކުގެ ދަތުރުފަތުރު ދެ އަހަރަށް ހުއްޓުމަކަށް އައުމުންނެވެ. ބެއިން އަދި އޭގެ ޗައިނީޒް ޕާޓްނަރުން 305 މިލިއަން ޑޮލަރުގެ ލޯނެއް ދެއްކުމަށް ނުކުޅެދުމުން، ކުންފުނީގެ ލެންޑަރުން ވިޔަފާރި ކޮންޓްރޯލް ހޯދައި، ފަހުން ކާލައިލް ގްރޫޕް ލީޑްކުރާ ކޮންސޯޓިއަމަކަށް ކުންފުނި ބަދަލުކުރިއެވެ.
ޓީއެމްއޭ މިހާރު ހިންގާ ކުންފުނިން 700 މިލިއަން ޑޮލަރަށް ކުންފުނި ވިއްކާލަން އެދުނު ނަމަވެސް، ބްލެކްސްޓޯންއިން ހުށަހަޅާފައިވާނީ 500 މިލިއަން ޑޮލަރުކަމަށް ރިޕޯޓުގައި ބުނެއެވެ.
ޓްރާންސް މޯލްޑިވިއަން އެއަރވޭސްއަކީ ދުނިޔޭގެ އެންމެ ބޮޑު އެމްފިބިއަސް އެއަރކްރާފްޓް އޮޕަރޭޓަރެވެ. އަދި ޑީ ހެވިލަންޑް ކެނެޑާގެ ޑީއެޗްސީ-6 ޓްވިން އޮޓާ މަތިންދާބޯޓުތައް އޮޕަރޭޓްކުރާ އެންމެ ބޮޑު ކުންފުންޏެވެ. އެއަރލައިން މިހާރު 59 ޑީއެޗްސީ-6-300، ތިން ޑީއެޗްސީ-6-400، ދެ ޑީއެޗްސީ-6-200، އަދި އެއް ޑީއެޗްސީ-6-100 އޮޕަރޭޓްކުރެއެވެ.
