އެމްޑީޕީން މާލޭގައި ސިލްސިލާކޮށް ބާއްވަމުން ގެންދާ މުޒާހަރާގެތެރެއިން
މީޑިއާއަށް މުޒާހަރާ ކަވަރުކުރުމުގެ ފުރުސަތު ދިނުމަށް އެޗްއާރުސީއެމްއިން އިލްތިމާސްކޮށްފި
ގުފްތަގް އަޖީރު
13 މާރޗް 2025 - 21:43:02
މީޑިއާގެ ފަރާތްތަކަށް އެމްޑީޕީން ބާއްވާ މުޒާހަރާތައް ކަވަރުކުރުމަށް ފުރުސަތު ދިނުމަށް ކަމާ ގުޅުންހުރި އިދާރާތަކަށް ހިއުމަން ރައިޓްސް ކޮމިޝަން (އެޗްއާރުސީއެމް) އިން ނެރުނު ބަޔާނެއްގައި، އިލްތިމާސްކޮށްފިއެވެ.
Advertisement
ބުރާސްފަތި ދުވަހު ނެރުނު މި ބަޔާނުގައި މުޒާހަރާ ކަވަރުކުރުމުގައި ހަރަކާތްތެރިވާ މީޑިއާގެ ފަރާތްތަކުގެ މަސައްކަތަށް ހުރަސް ނޭޅޭނެ ގޮތަށް އަމަލުކުރުމަށް ވަނީ އިލްތިމާސްކޮށްފައެވެ.
މީގެ އިތުރުން އެޗްއާރުސީއެމްއިން ވަނީ "މުޒާހަރާގައި ބާރުގެ ބޭނުން ކުރަންޖެހޭ ހާލަތުގައިވެސް ގާނޫނީ އިމުގެ ތެރެއިން ބާރުގެ ބޭނުން ކުރުމަށް،" ދިވެހި ފުލުހުންގެ ހިދުމަތަށް ގޮވާލާފައެވެ.
އެޗްއާރުސީއެމްގެ ބަޔާނުގައި ފާހަގަކޮށްފައިވާ ގޮތުގައި، 2025 މާރިޗު 7 ވަނަ ދުވަހުން ފެށިގެން މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އިން މާލޭގައި ބާއްވަމުންދާ ސިލްސިލާ މުޒާހަރާތައް އެ ކޮމިޝަނުން އަންނަނީ މޮނިޓާ ކުރަމުންނެވެ. އަދި ސުލްހަވެރިކަމާއެކު އެއްވެއުޅުމުގެ މިނިވަންކަމަކީ ގާނޫނުއަސާސީގެ 32 ވަނަ މާއްދާއިން ކޮންމެ މީހަކަށްމެ ލިބިދޭ އަސާސީ ހައްގެއްކަން އެޗްއާރުސީއެމްއިން ހަނދާންކޮށްދީފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
