މިދިޔަ މަހުގެ 19 ވަނަދުވަހު ހަތިޔާރާއި މަސްތުވާތަކެތީގެ ވިޔަފާރިކުރާ ލަންކާގެ ގޭންގް ލީޑަރު ގަނޭމުއްލާ ސަންޖީވާ މަރާލާފައިވަނީ ކޯޓުގެ އަޑުއެހުމަކަށް ހާޒިރުކުރި ތަނުން ހުއްޓާ ބަޑިޖަހައެވެ.
މިކަމުގައި އޭބާ މަރާލަން ބޭނުންކުރި ފިސްތޯލް ކޯޓަށް ވެއްދީ އިޝާރާ ސެއްވާންދީ ކީޔާ މީހެއްކަމަށް ލަންކާ ނޫސްތަކުން ބުނެއެވެ. އަދި އޭނާ ހައްޔަރުކުރުމުގެ ކުރިން އެ ހަމަލާއަށް ފަހުން އޭނާ ފިލައިގެން ރާއްޖެ އައިސްފައިވާކަމަށް ލަންކާގެ ނޫސްތަކުން ވަނީ ބުނެފައެވެ.
އިޝާރާ ލަންކާއިން ފިލީ ކަނޑުމަގުންކަމަށާއި އޭނާ ފިލުމުގައި ހުރިހާކަމެއް ހަމަ ޖައްސާދިނީ ބާރުގަދަ އަންޑަވޯލްޑް ގޭންގެއްގެ އެހީތެރިކަމުގައިކަމަށްވެސް ލަންކާ ނޫސްތަކުން ބުނެއެވެ. އަދި އޭނާ ފިލައިގެން ރާއްޖެ އައުމުން އޭނާ ރާއްޖޭގެ ހުރެވޭނެ ހުރިހާ އިންތިޒާމެއް ހަމަޖައްސާފައިވާކަމަށްވެސް ލަންކާ ނޫސްތަކުން ބުނެއެވެ. އަދި އިޝާރާ ރާއްޖެއައީ އޭނާގެ ދިރިއުޅުން ރާއްޖެއަށް ބަދަލުކުރުމަށް ކަންކަން ރޭވިގެންކަމަށްވެސް ލަންކާ ނޫސްތަކުން ބުނެއެވެ.
ލަންކާ ފުލުހުން މި މައްސަލާގެ ތަހުގީގުގައި ބުނީ އިޝާރާއަކީވެސް ޑްރަގުގެ ވިޔަފާރިކުރާ މީހެއްކަމަށެވެ. އަދި އިޝާރާގެ ފޮޓޯ އާއްމުކޮށް އޭނާ ހޯދާ މީހަކަށް ފައިސާގެ އިނާމު ހުށައަޅާފައެވެ.
ލަންކާ ފުލުހުން ބުނީ ގަނޭމުއްލާ ސަންޖީވާ މަރާލި މީހާގެ އަތަށް ބަޑި ގެންގޮސްދީފައިވަނީ އިޝާރާކަމަށެވެ. އަދި އޭނާ އެކަން ކުރީ ވަކީލެއް ކަމަށް ހެދިގެން ފޮތެއްގެ ގަނޑުތައް ބަޑީގެ ބައްޓަމަށް ކަފައި އެތަނުގައި ތެރޭ ފޮރުވައިގެން ކަމަށެވެ.
