އަޒާން މިހެން ވިދާޅުވީ ރައީސް ތަސްދީގު ނުކުރައްވާ އަނބުރާ ފޮނުއްވާލެއްވި ސުޕްރީމް ކޯޓުގެ ފަނޑިޔާރުންގެ އަދަދު މަދުކުރާ ބިލްގެ ބަހުސް މަރުހަލާގައި ވާހަކަ ދައްކަވަމުންނެވެ.
އެ ބިލުގެ ފާސްކުރަން ވޯޓް ނުދެއްވި އަޒާން ވިދާޅުވީ އަވަސް އަރުވާލައިގެން ޖަޒުބާތުގައި ކޯޓުތަކާއި އެމްއެމްއޭ ފަދަ މިނިވަން މުއައްސަސާތަކާ މިވަގުތު ކުޅޭ ނަމަ މާލީ އިދާރާތަކުން ރާއްޖެއަށް ދޭ ރޭޓިންތައް ދަށްކުރާނެ ކަމަށާއި އެކަމުން ރާއްޖެއަށް ވަރަށް ބޮޑަށް ދަތިވާނޭ ކަމަށެވެ.
ކަމެއް ކުރާއިރު ކުރަން ވާނީ އެކަމަކަށް ފާޑު ނުކިޔޭ ގޮތަކަށްކަން ފާހަގަ ކުރައްވަމުން އަޒާން ވިދާޅުވީ މި ވަގުތަކި ރާއްޖެއަށް ބޭރުގެ އެކި މާލީ އިދާރާތަކުގެ އެހީތެރިކަން ނުހަނު ބޭނުން ވެފައިވާ ވަގުތެއް ކަމަށެވެ. އަދި މި ގޮތަށް ކަންކުރުމުން ރާއްޖެއަށް ދެން ދޭނީ ޑީ ރޭޓިންކަން އަޒާން ފާހަގަކުރެއްވިއެވެ.
އަޒާން ވަނީ ސުޕްރީމް ކޯތުގެ ބެންޗު ކުޑަކުރަން ފޮނުވި ބިލް މަޖިލީހުން ބޭރުކުރަން ގޮވާލާފައެވެ. އެހެންނަމަވެސް ޕީއެންސީގެ މެޖޯރިޓީން ވަނީ އެ ބިލް ދިރާސާކުރަން އަނެއްކާވެސް ކޮމެޓީއަށް ފޮނުވާފައެވެ.
