ޖޭއެސްސީގެ މެމްބަރުކަމުގައި ސިޔާސީ މީހުން ނުތިބޭނެ ގޮތަށް އެ ކޮމިޝަންގެ އެކުލެވިގެންވާގޮތް ބަދަލުކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ.
ސުޕްރީމް ކޯޓަށް ޝަހީދު އައްޔަން ކޮމެޓީން ނިންމި ރިޕޯޓަށް ވާހަކަ ދައްކަވަމުން އަޒާން ވިދާޅުވީ ގައުމު ތަރައްގީވަނީ ވަނީ މިނިވަން މުވައްސަސާތައް ވަރުގަދަވުމުންކަމަށެވެ. އަދި ެއެކަމުގެ ސިޔާސީ ގޮތުން ގައުމަށް ހަމަޖެހުން އަންނަކަމަށްވެސް އަޒާން ވިދާޅުވިއެވެ.
އޭނާ ވިދާޅުވީ ކޯޓްތަކަށް ރަނގަޅު ފަނޑިޔާރުން ލުމުގެ އިތުރުން ނިޒާމުވެސް ހަރުދަނާކުރަން ޖެހޭކަމަށެވެ. އަދި ޕީއެންސީ އިދިކޮޅުގައި އޮތް އިރު އެންމެ ބޮޑަށް ގޮވީ ޖޭއެސްސީ އިސްލާހުކުރުމުގެ ވާހަކަކަންވެސް އަޒާން ފާހަގަކުރެއްވިއެވެ. އަދި ރައީސް ވިދާޅުވި ގޮތަށް ޖޭއެސްސީ އިސްލާހުކުރަން ބިލް ސަރުކާރުން ނުފޮނުވާތީ އަޒާން ވަނީ ކަންބޮޑުވުން ފާޅުކޮށްފައެވެ.
ޖޭއެސްސީގެ އެކުލެވިގެންވާ ގޮތް އިސްލާހުކުރުމަކީ މިދިޔަ އެމްޑީޕީ ސަރުކާރުގެވެސް ވައުދެކެވެ. އެހެންނަމަވެސް 19 ވަނަ ރައްޔިތުން މަޖިލީހުގެ ދައުރު ނިމިގެން ދިޔައިރުވެސް ެއެ މަސައްކަތް ކޮށްފައެއް ނުވެއެވެ.
