ޕްރައިވެޓް އިންޝުއަރެންސް އޮންނަ ފަރާތަތަކަށް، އޭގެ ލިމިޓް ހަމަވުމުން ނޫން ގޮތަކަށް އާސަންދަ ދޫނުކުރަން ނިންމާ އެގޮތަށް އަމަލުކުރަން ފެށީ މިދިޔަ އަހަރުގެ ނޮވެމްބަރު މަހުން ފެށިގެންނެވެ.
އެ ބަދަލު ގެނައުމުން އެތައް ބައެއްގެ ފާޑުކިޔުންތައް އަމާޒުވިއެވެ. އެހެންނަމަވެސް އޭރު ސަރުކާރުން ބުނީ އެ ބަދަލު ގެނައީ އާސަންދއިން ކުރާ އިސްރާފު ކުޑަކޮށް އާސަންދަ ރިފޯމްކުރުމަށްކަމަށެވެ.
އެ ނިންމުމަށް މިހާރު ވަނީ ބަދަލު ގެނެސްފައެވެ. އެހެންމަވެސް ބަދަލު ގެނައި ސަބަބެއް އާސައިންދައިން ނުވަތަ ސަރުކާރަކުންވެސް ހާމައެއް ނުކުރެއެވެ.
ކުރިން އަމަލު ކުރަމުން އައި ގޮތުން ޕްރައިވެޓް އިންޝުއަރެންސް ޕެކޭޖެއް އޮންނަ މީހަކަށް ވިޔަސް ފުރަތަމަ އުނިކުރަނީ އާސަންދައިންނެވެ. އަމިއްލަ އިންޝުއަރެންސް އިން ކަނޑަނީ އާސަންދައިން ކަވަރުނުކޮށް ބާކީ އޮންނަ ބައެވެެ. ސަރުކާރުން މިދިޔަ އަހަރު ގެނައި ބަދަލާއި އެކު ދެން އަމަލުކުރަން ފެށީ ޕްރައިވެޓް އިންޝުއަރެންސް އޮންނަ ނަމަ ފުރަތަމަ އެ އިން ކަނޑާގޮތަށެވެ. ޕްރައިވެޓް އިންޝުއަރެންސް ޕެކޭޖުން އެ ހިދުމަތަކަށް ކަވަރުކުރާ މިންވަރަށްވުރެ އިތުރުވާ އަދަދު ދައްކަން ޖެހެނީ އަމިއްލަ ޖީބުން ނެވެ.
