ހދ. ކުޅުދުއްފުށީ ޕޮލިސް ކަސްޓޯޑިއަލްގެ ބަންދުގައި ހުއްޓާ އަމިއްލައަށް މަރުވާން އުޅުނަި 34 އަހަރުގެ ދިވެހި ފިރިހެނެކެވެ.
ފުލުހުން ނެރުނު ނޫސްބަޔާނެއްގައި ބުނީ މި ހާދިސާ ހިނގާފައިވަނީ ރޭ 21:12 އެހައިކަންހާއިރުކަމަށެވެ. މިހާރު އޭނާއަށް ހދ. ކުޅުދުއްފުށީ ރީޖަނަލް ހޮސްޕިޓަލުގައި ފަރުވާދެމުން ގެންދާ ކަމަށް ފުލުހުން ރޭ ވަނީ ބުނެފައެވެ.
ހޮސްޕިޓަލުން ބުނީ މި މީހާގެ ހާލު ވަރަށް ދެރަކަމަށެވެ. އަދިވެސް އެ މީހާ ހޭނާރާކަމަަށާއި ފަރުވާދެމުން އަންނަނީ ވެންޓިލޭޓަރުގައިކަމަށް ހޮސްޕިޓަލުގެ އޮފިޝަަލަކު ބުންޏެވެ.
ފުލުހުން ބުނީ މި ފިރިހެނާއަކީ މަސްތުގެ ހާލަތުގައި ހުރެގެން ގޭގެ މުދަލަށް ގެއްލުންދީ ހަމަނުޖެހުން ހިންގި މައްސަލައަކާ ގުޅިގެން 2025 އޭޕްރީލް 2 ވަނަ ދުވަހު ފުލުހުންގެ ބެލުމުގެ ދަށަށް ގެނެސްފައިވާ މީހެކެވެ. މި ހާދިސާއާ ގުޅިގެން ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އަދި ނޭޝަނަލް އިންޓެގްރިޓީ ކޮމިޝަން (އެންއައިސީ) އަށް މައުލޫމާތު ހިއްސާކޮށްފައިވާ ކަމަށްވެސް ފުލުހުން ބުނެފައިވެއެވެ.
