ބަންދު އަމުރުގައި ބަޔާންކޮށްފައިވާ ގޮތުން، ރިޝްމާހް ވަނީ ތަހުގީގަށް ފުލުހުންނަށް އެއްބާރުލުން ދީފައެވެ. އަދި އޭނާއާއެކު ސައިކަލުގެ ފަހަތުގައި އިން މީހާގެ މައުލޫމާތުވެސް ހިއްސާކޮށްފައިވެއެވެ. ރިޝްމާހް ބަންދުން ދޫކޮށްލާފައިވަނީ ހޮނިހިރު ދުވަހު ޝަރުތުތަކެއް ކުރުމަށްފަހު، ތަހުގީގަށް އެއްބާރުލުން ދިނުމަށް އެއްބަސްވުމާ ގުޅިގެން ފުލުހުން އެދުމުންނެވެ.
މަންދީ ގަޔަށް ކަޅުތެޔޮ ޖެހީ މާޗު 17ގެ ރޭ ދަންވަރު، އެމްޑީޕީން މާލޭގައި ކުރިއަށް ގެންދިޔަ މުޒާހަރާއެއްގެ ތެރެއިން ރައީސް މުއިއްޒުގެ ބޭފުޅެއްގެ ވާހަކަދެއްކި ކަމަށް ބުނެ ފުލުހުން ތަހުގީގެއް ހިންގަން ފެށި ދަނޑިވަޅުގައެވެ. ރިޝްމާހް ހައްޔަރުކޮށްފައިވަނީ މާޗު 27ގައި، ކޯޓު އަމުރެއްގެ ދަށުންނެވެ. ފުރަތަމަ ބަންދާމެދު ގޮތެއް ނިންމިއިރު އޭނާގެ ބަންދަށް 15 ދުވަސް ޖަހާފައިވާއިރު، އެ މުއްދަތު ހަމަވުމާ ގުޅިގެން އަލުން ކޯޓަށް ހާޒިރުކުރުމުން ދޫކޮށްލީއެވެ.
