ރައީސް މުއިއްޒު ސީއެޗްއެސްސީއަށް ޒިޔާރަތްކުރެއްވުން
އޯލެވެލް ގައި ބައިވެރިވާ ދަރިވަރުންނަށް ރަނގަޅު ނަތީޖާއެއް ހާސިލުކުރުމަށް ރައީސް އެދިއްޖެ
ގުފްތަގް އަޖީރު
20 އޭޕްރީލް 2025 - 18:22:40
އޯލެވެލްގައި ބައިވެރިވާ ދަރިވަރުންނަށް ރަނގަޅު ނަތީޖާއެއް ހާސިލުކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެދިވަޑައިގެންފިއެވެ.
Advertisement
ރައީސް މިފަދައިން ވިދާޅުވީ އޯލެވެލް ފެށުމާ ގުޅިގެން މީސް މީޑިއާގައި ކުރެއްވި ޕޯސްޓެއްގައެވެ.
އެމަނިކުފާނު ވިދާޅުވީ ތޫނުފިލިކަމާއެކު ފަސޭހައިން ސުވާލުތަކަށް ޖަވާބުދެވޭ، ބެލެނިވެރީންނާއި ސްކޫލްތަކުން އުންމީދުކުރާ ފަދަ ރަނގަޅު ނަތީޖާއެއް ދަރިވަރުން ހާސިލްކުރުމަށް އެދިވަޑައިގަންނަވާ ކަމަށެވެ.
މިއަހަރުގެ އެސްއެސްސީ އަދި އޯލެވެލްއަށް ތައްޔާރުވުމަށް ހުރިހާ ދަރިވަރުން ކުރި ބުރަ މަސައްކަތުގައި މާތްﷲ ބަރަކާތް ލެއްވުން އެދި ދުއާ ދަންނަވާފައިވާ ކަމަށް ރައީސް ވިދާޅުވިއެވެ. އަދި "އިމްތިހާނުގައި ބައިވެރިވާ ކޮންމެ ކުއްޖަކުވެސް މި އިމްތިހާނުގައި ކާމިޔާބީ ހޯދާ، ގައުމު ފަހުރުވެރިވާނެ ހިދުމަތްތެރި ދަރިއަކަށް ވާނެ ކަމަށް އުއްމީދު ކުރައްވާ،" ކަމަށެވެ.
މިއަހަރު އެސްއެސްސީ އަދި އޯލެވެލްގައި ރާއްޖެއިން ބައިވެރިވަނީ 8364 ދަރިވަރުންނެވެ. އަދި އެގްޒާމްތައް ރާއްޖޭގެ 260 ސެންޓަރެއްގައި ކުރިއަށްދާނެ ކަމަށް އެޑިއުކޭޝަން މިނިސްޓްރީން ބުނެފައިވެއެވެ. މިއަހަރު އޯލެވަލް ޕްރެކްޓިކަލް ބައެއް މާއްދާތައް މިމަހުގެ 11 ވަނަ ދުވަހު ފެށިފައިވާއިރު، އެސްއެސްސީ މާއްދާތަކުގެ އެގްޒާމް ވެސް ފެށިފައިވާ ކަމަށް އެޑިއުކޭޝަން މިނިސްޓްރީން ބުނެފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
