ޒުވާނުންގެ ޕާޓީއެއް: ފޮޓޯ ޕްރީޕިކް
ފުރާޅުން ވެއްޓުނު އަންހެން ކުއްޖާ ވެންޓިލޭޓަރުގައި، ސޯޝަލް މީޑިއާގައި ބޮޑެތި ތުހުމަތުތައް
ގުފްތަގް އަޖީރު
22 އޭޕްރީލް 2025 - 14:22:24
މާލޭގައި ހުންނަ ގެއެއްގެ ފުރާޅުން މިދިޔަ ހުކުރު ދުވަހު 21 އަހަރުގެ އަންހެނަކު ވެއްޓި، މިހާރު އޭނާ ވަނީ ވެންޓިލޭޓަރުގައި ބަލިހާލުގައެވެ.
Advertisement
މި ހާދިސާއާ ގުޅިގެން ސޯޝަލް މީޑިއާގައި އެކި ބާވަތުގެ ބޮޑެތި ތުހުމަތުތައް އަމާޒުކޮށް ވާހަކަތައް ދަނީ ދެކެވެމުންނެވެ. ބައެއް ތުހުމަތުތަކުގައި ބުނެފައިވަނީ އޭނާ ކޮއްޕާލައިގެން ފުރާޅުން ވެއްޓުނު ކަމަށެވެ.
ހެންވޭރުގައި ހުންނަ ގެއެއްގެ ފުރާޅުން ވެއްޓުނު އެ ޒުވާން އަންހެން ކުއްޖާގެ ހާލު ދަށްވެ، ޖެހިގެން އައި ހޮނިހިރު ދުވަހު ވެންޓިލޭޓަރަށް ލާފައިވާ ކަމަށް އައިޖީއެމްއެޗުން ބުނެފައިވެއެވެ.
"ތާޒްޑޭ ނައިޓް" ގައި މިކަން ހިނގީ "ޕާޓީއެއްގައި މަސްތުވާތަކެތި ބޭނުންކުރަން ތިއްބައި ކަމަށްވެސް ބައެއް މީހުން ތުހުމަތުކުރެއެވެ. އެކަމާ ގުޅިގެން ވެސް ފުލުހުން ވެސް ވަނީ ސުވާލުކޮށްފައެވެ.
މި މައްސަލައިގައި ފުލުހުން ތަހުގީގު ކުރަމުންދާ ކަމަށާއި ނަމަވެސް މިހާތަނަށް އެއްވެސް މީހަކު ހައްޔަރުކޮށްފައި ނުވާކަމަށް ފުލުހުން ބުނެއެވެ.
ސޯޝަލް މީޑިއާގައި ބައެއް ފަރާތްތަކަށް ތުހުމަތުކޮށް ޕޯސްޓްކުރެވެމުންދާއިރު، އަދިވެސް ހާދިސާ ހިނގާފައިވާ ގޮތް ސީދާ ސާފުވެފައެއް ނުވެއެވެ.
12%
ކަމުގޮސްފި
47%
އަޑުއެހިތާ މިހުރީ
29%
ސަތޭކައަކުން ސުމެއް
12%
ވަރަށް ސަލާމް
ކޮމެންޓްސް
