މާލެ މަތިން ނަގާފައިން ފޮޓޯއެއް
މާލޭ ގެއަކުން މަރުވެފައި އޮތް މީހަކު ފެނިއްޖެ
ގުފްތަގް އަޖީރު
22 އޭޕްރީލް 2025 - 23:33:20
މާލޭގެ ފަންނު ސަރަހައްދުގައި ހުރި ގެއެއްގެ އެތެރޭގައި 40 އަހަރުގެ ދިވެހި ފިރިހެނެއް މަރުވެފައި އޮއްވާ މިއަދު ހަވީރު ފެނިފައިވާ ކަމަށް ފުލުހުން ބުނެފިއެވެ.
Advertisement
މަރުވެފައި އޮއްވާ ފެނުނު މީހާއަކީ މ. އަލުވިމާގެ އާގޭގެ މުހައްމަދު ހިސާމް (40) ކަމަށް ދެންނެވިދާނެއެވެ.
ފުލުހުންގެ މީޑިއާ އޮފީހުން ބުނީ، މި މައްސަލަ މިއަދު ހަވީރު 16:40 ހާއިރު ފުލުހުންނަށް ރިޕޯޓުކުރި ކަމަށެވެ. އެ ގެއަށް ފުލުހުންގެ އޮފިސަރުން ހާޒިރުވެ މައްސަލަ ބަލަން ފަށާފައިވާ ކަމަށްވެސް ފުލުހުން މައުލޫމާތު ދިނެވެ.
ފުލުހުން މި މައްސަލައިގެ ތަހުގީގު ކުރަމުން ގެންދާ ކަމަށް އެ ބޭފުޅުން ވިދާޅުވިއެވެ. އެހެންނަމަވެސް، އޭނާ މަރުވި ގޮތާ ގުޅޭ އިތުރު ތަފުސީލެއް މި ވަގުތު ހާމަކޮށްފައި ނުވެއެވެ. މި މައްސަލައާ ގުޅިގެން ގިނަ ބަޔަކު ސޯޝަލް މީޑިއާގައި ހިތާމަ ފާޅުކުރަމުން ގެންދެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
