އަލީ ޝަރީފު ސޯޝަލް މީޑިއާގައި ކުރެއްވި ޕޯސްޓއްގައި ވިދާޅުވީ ފައިސާ ހަރަދު ނުކޮށް ހައްޖުގެ އަޅުކަން ކުރާނެ ގޮތެއް އެއް އިރެއްގައިވެސް ނޯންނަކަމަށާއި ހައްޖުގެ އަޅުކަމަށް ބޮޑު ހޭދަ އެއް ފެށުނީއްސުރެވެސް ކުރަންޖެހޭކަމަށެވެ.
އަލީ ޝަރީފް ވިދާޅުވީ ރާއްޖެއިން މީހުން ހައްޖަށް ގެންދިޔުމަށް މިހާރު ހައްޖު ކޯޕަރޭޝަނުން އެ ނަގާ ފައިސާއަކީ މީގެ އެތައް އަހަރއް ކުރިން ހަމަޖައްސާފައިވާ އަދަދުތަކެއްކަމަށާއި އެހެންނަމަވެސް އޭރުގެ ސައުދީގެ އަގުތައް މިހާރު އިންތިހާއަށް އުފުލިފައިވާކަންވެސް އަލީ ޝަރީފު ފާހަގަކުރެއްވީއެވެ.
އަލީ ޝަރީފު ވިދާޅުވީ ސައުދީގެ އަފުތައް ބޮޑުވި ނަމަވެސް ރާއްޖެއިން މީހުން ހައްޖަޑް ގެންދިޔުމަށް ނަގާ އަދަދު ކުޑަކުރަން ރައީސް މުއިއްޒު އަންގަވާފައިވާކަމަށެވެ. އެހެންކަަމުން އެކަން ކުރައްވަމުން އަންނަކަމަށާއި ދެތިން އަހަރެއްގެ ތެރޭއެކަން ވާނެކަމަށް އަލީ ޝަރީފު ވިދާޅުވިއެވެ.
ހައްޖު ކޯޕަފރޭޝަނުން ދިވެހިން ހައްޖަށް ގެންދިނުމަށް މިހާރު ނަގަމުން އަންނަނީ 69،965 ރުފިޔާއެވެ. މި އަގުގައި އެ ހިދުމަތް ދެމުންދާތީ މިދިޔަ 11 އަހަރު ވަންދެން ހައްޖު ކޯޕަރޭޝަން ހިންގާފައިވަނީ އަހަރަކު 30 އިން 40 މިލިއަން ރުފިޔާގެ ގެއްލުމުގައިކަމަށް އެ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ޝަކީލް ވަނީ މީގެކުރިން ބުނެފައެވެ. އެހެންކަމުން ކުންފުންނަށް ފައިދާ ހޯދުމުގެ ގޮތުން ޓްއަރިޒަމްގެ ދާއިރާއަށް ވަދެ ގެސްޓު ހައުސް ހިންގަން ވިސްނާފައިވާކަމަށް ޝަކީލް ވަނީ ވިދާޅުވެފައެވެ.
