ސީޕީ މި ގޮތަށް ވާހަކަ ދައްކާފައިވަނީ އުމުރުން 21 އަހަރުގެ ޔުމްނު ފުރާޅު މައްޗަށް ވެއްޓުނު ހާދިސާގައި ދެން ހިމެނޭ ރައުދު އަހްމަދު ޒިލާލް މަސްތުވާތަކެެއްވަށް ޕޮޒިޓިވްއިރުވެސް އޭނާ ހައްޔަރުކޮށްފައި ނުވުމުން އެކަމާއި ގުޅިގެން ފާޑުކިޔާތީ ރައްދުދެއްވަމުންނެވެ.
ޔުމްނު ވެއްޓުނު ރޭ އޭނާއާއި އެކު އުޅުނު ރައުދު ކެނަބިސްއަށް ޕޮޒިޓިވްވެ އޭނާ ބަދު އަހްލާގީ އަމަލު ހިންގާތަން ފެންނަ ވީޑިއޯ ހުރިކަމަށް ފުލުހުން ބުނި ނަމަވެސް ހާދިސާއަށް ހަފްތާއެއް ވީއިރުވެސް އޭނާ ހައްޔަރެއް ނުކުރެއެވެ. އަދި އޭނާގެ ވަނަވެރެއްވެސް މިއަދާއި ހަމައަށް ފުލުހުން ހާމައެއް ނުކުރެއެވެ.
މިއަދު ނޫސްވެރިންނާއި ބައްދަލުކޮށް ވާހަކަ ދައްކަވަމުން ސީޕީ އަލި ޝުޖާއު ވިދާޅުވީ މީހަކު މަސްތުވެގެން އުޅުނަސް އެ މީހަކު ހައްޔަރެއް ނުކުރާނެކަމަށެވެ. މަސްތުވާތަކެއްޗަށް ޕޮޒިޓިވްވާ މީހާ ބަންދުގައި ބަހައްޓަނީ ހަމައެކަނި އޭނާ އަތުން މަސްތުވާތަކެތި ފެނިގެންކަމަށް ސީޕީ އަލީ ޝުޖާއު ވިދާޅުވިއެވެ.
ރައުދު
މި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑެޕިއުޓީ ކޮމިޝަނަރު އިސްމާއިލް ނަވީން ވިދާޅުވީ ޔުމްނުއާ އޭނާއެކު އުޅުނު ރައުދު އަހްމަދު ޒިލާލް ކެނެބިސްއަށް ޕޮޒިޓިވިއަސް އެ މީހުން އުޅުނު ގޮތުން ބޭނުންކޮށްފައިވަނީ ހަމައެކަނި ކެނެބިސްކަމަށް ނުބެލެވޭކަމަށެވެ.
ޔުމްނު ވެއްޓުނީ ހ. ފެންޓެނޯއިގޭގެ 9 ވަނަ ފްލޯއިން ޖެހިގެން ހުރި ގުދަނެއްގެ ފުރާޅު މައްޗަށެވެ. އޭނާގެ ހާލު ވަރަށް ސީރިއަސްކަމަށް ފުލުހުން މިއަދު ވަނީ ބުނެފިއެވެ.
