އެގޮތުން އެކްސްގައި ކުރެއްވި ޕޯސްޓެއްގައި، އޭނާ ވިދާޅުވީ ގާނޫނު އަސާސީގައި ތިން ބާރު ވަކިވެފައިވާކަމަށް ބަޔާންކޮށްފައިވާއިރު، ކޮންމެ ފަހަރަކު ވެރިކަމަށް އަންނަ ޕާޓީއަކަށް މަޖިލީހުގެ ސުޕަމެޖޯރިޓީ ދޭން ޖެހެނީ ކީއްވެތޯ އައްބާސް ސުވާލު އުފައްދާފައިވެއެވެ.
އައްބާސް ވިދާޅުވީ ސަރުކާރު ހިންގާ ޕާޓީއަށް މަޖިލީހުގެ ސުޕަމެޖޯރިޓީ ލިބޭ ހިސާބުން ރައްޔިތުންގެ ހައްގުގައި މިނިވަންކަމާއެކު ހައްގު ބަސް ބުނަންކެރޭ އެއްވެސް މުއައްސަސާއެއް ނެތްކަމީ ގަބޫލުކުރަން ޖެހޭ ހަގީގަތެއް ކަމަށެވެ.
ރައްޔިތުން ވިސްނާނުލައި ކޮންމެ ފަހަރަކު އެކަންކަން ކުރުމުގެ ސަބަބުން ރައްޔިތުންނަށް ދިމާވާ އުނދަގޫ ހާލަތްތަކުގައި ސަރުކާރު ޖަވާބުދާރީ ކުރުމަށް އެތައް ގޮންޖެހުންތަކާ ކުރިމަތިލާން ޖެހޭކަން އައްބާސް ފާހަގަކުރައްވައި، ކުރިއަށް ހުރި އިންތިހާބުތަކުގައި އެކަންކަމާމެދު ފުންކޮށް ވިސްނުމަށް ވަނީ އެދިވަޑައިގެންފައެވެ.
