ފުލުހުން މި ތުހުމަތުކޮށްފައިވާނީ ރައުދު ހައްޔަރުކުރަން ކޯޓް އަމުރު ހޯދުމުގައެވެ.
ކޯޓް އަމުރަށް ފުލުހުން އެދިފައިވަނީ ތިން ތުހުމަތެއް ރައުދުގެ މައްޗަށް ކުރުމަށްފަހުކަން ވަނީ އެނގިފައެވެ. އެއީ ހާދިސާ ހިނގިއިރު މަސްތުގެ ހާލަތުގައި ހުރުމާއި، ޔުމްނު ވެއްޓުމުގައި އޭނާގެ ބައިވެރިވުމެއް ވުމާއި، ޖިންސީ ބޭނުންހިފުމުގެ ކުށަށް އަރައިގަތުން ކަމަށެވެ.
ކޯޓުން ވަނީ ރައުދު ހައްޔަރުކުރަން ހެނދުނުގެ ވަގުތެއްގައި އަމުރު ނެރެދީފައެވެ. އެހެންނަމަވެސް ފުލުހުން ރައުދު ހައްޔަރުކުރީ މިރޭ އިރު އޮއްސުނު ފަހުންނެވެ.
ފާޑުކިޔުތައް ބޮޑުވެގެން ރައުދު ހައްޔަރު ކުރީ ޔުމްނު ފުރާޅު މައްޗަށް ވެއްޓުނު ހާދިސާ ހިންގިތާ 6 ދުވަސް ފަހުންނެވެ.
މީގެކުރިން ފުލުހުން ބުނީ ޔުމްނު ވެއްޓުމުގައި އިތުރު މީހެއް ބައިވެރިވުން ނުވާކަން ޔަގީން ކުރެވިފައިވާކމަށާއި ޔުމްނު ވެއްޓުނީ އަމިއްލައަށް ފެންލައިޓަކުން ކަމަށެވެ.
