މި މައްސަލައިގައި ކޮމިޝަނާ އޮފް ޕޮލިސް ސީޕީ އަލީ ސުޖާއު ވިދާޅުވީ އެ ހާދިސާ ހިނގިފަހުން ވެސް މީހަކު ނުކުތްތޯ ބަލާފައިވާކަމަށެވެ.
ސިޖާއު ވިދާޅުވީ އެ މީހާ ނަމާދަށް ދިޔަކަން ފާހަގަވި ނަމަވެސް، ޔުމްނު ވެއްޓުމުގައި އިތުރު މީހަކު ބައިވެރިވާކަން އެނގިފައިނނުވާކަމަށެވެ.
ސީޕީ ސުޖާއު ވިދާޅުވީ ކަމެއް ފޮރުވަން އުޅުނަސް އެކަމެއް ދެނެގަތުމުގެ ގާބިލުކަން ފޮރެންސިކް ޓީމުގައި ހުންނާނެކަމަށެވެ.
ޔުމްނު އިތުރު ފަރުވާއަށް ރާއްޖެއިން ބޭރަށް ގެންދަން މަސައްކަތް ކުރަމުން އަންނަކަމަށް އާއިލާއިން ބުނެއެވެ.
ޔުމްނުގެ އާއިލާއިން ބުނީ އިތުރު ފަރުވާއަށް އޭނާ މެލޭޝިއާއަށް ގެންދިއުމަށް މިހާރު ހުރިހާ އިންތިޒާމުތައް ހަމަޖެހިފައިވާކަމަށެވެ. އެގޮތުން ޔުމްނު ބޭރަށް ގެންދިޔުމަށް އެންސްޕާގެ ފަރާތުން ފުރިހަމަކުރަން ޖެހޭ ހުރިހާ ކަމެއް މިހަރު ހަމަޖެހިފައިވާކަމަށެވެ.
ސަރުކާރުން ފްލައިޓެއް ޗާޓަރުކުރުމުގެ މަސައްކަތް ވެސް ކުރަމުން އަންނަކަމަށާއި، މާދަމާ ވެސް ފްލައިޓެއް ލިބިއްޖެ ނަމަ ފުރަން ޖެހިދާނެކަމަށް ޔުމްނުގެ އާއިލާއިން ވަނީ ބުނެފައެވެ.
އިތުރު ފަރުވާއަށް ޔުމްނު ރާއްޖެއިން ބޭރަށް ގެންދަން ނިންމިކަން އާއިލާއިން ހާމާކުރި ނަމަވެސް ޔުމްނުގެ މިހާރުގެ ހާލަތާއި ގުޅޭގޮތުން އައިލާއިން ތަފްސީލެއް ނުދެއެވެ.
ޔުމްނު ވެއްޓުނު މައްސަލާގައި އޭނާއާއި އެކު އެރޭ އުޅުނު ރައުދު އަހްމަދު ޒިލާލްގެ ރޭ ވަނީ ހައްޔަރުކޮށްފައެވެ. ހަ ދުވަސް ފަހުން އޭނާ ހައްޔަރުކޮށް ކޯޓަށް ގެންދިޔުމުން ވަނީ 5 ދުވަހުގެ ބަންދުގެ މުއްދަތު ޖަހާދީފައެވެ.
