Advertisement

ގެއްލިގެން ހޯދަމުން އައީ "ބްރިލިއަންޓް ކެރިއަރ" ނަމަކަށް ކިޔާ ދޯންޏެކެވެ. 

މި ދޯނިން ދަތުރުކުރި 5 މީހުންގެ ތެރޭގައި ހިމެނެނީ 3 ދިވެހިންނާއި ދެ ބިދޭސީންކަމަށް ފުލުހުން ބުނެއެވެ. އަދި މި ދޯނި ގެއްލުނީ ރޭ 8:00 އެހައިކަންހާއިރު ގދ. ގައްދޫއިން ފުރައިގެން ހުޅުމާލެއަށް ދަތުރުކުރަނިކޮށްކަމަށްވެސް ފުލުހުން ބުނެއެވެ. 

ގެއްލިގެން ހޯދަމުން އަންނަނިކޮށް އެ ދޯނި ފެނުނީ ފަތިހު 04:00 ހާއިރުކަމަށެވެ. ދޯނީގައި ދަތުރުކުރި އެންމެންގެ ހާލު ރަނގަޅުކަމަށް އެމްއެންޑީއެފުން ބުނެއެވެ. ދޯނި ފެނުނީ ގއ. ވިލިގިނލީގެ އިރުއުތުރުން 48 މޭލު ބޭރުގައި އޮއްވާކަމަށާއި އެ ދޯނި ފެނުނު އިރު ދޯނީގެ އިންޖީނު ވަނީ ހުއްޓިފައި ކަމަށް އެމްއެންޑީއެފުން ބުނެއެވެ. 

ދޯނީގެ ވެރިފަރާތުން އެ ދޯނި ކައިރި ރަށެއްގެ ބަނދަރަކަށް ގެނައުމުގެ މަސައްކަތް ކުރަމުން އަންނަކަމަށް އެމްއެންޑީއެފުން ބުނެއެވެ.