ދުވަސްތަކަށްފަހު ރައީސް މުއިއްޒު ބޭއްވި ނޫސްވެރިންގެ ބައްދަލުވުމުގައި ނޫސްވެރިންވަނީ ކުރީގެ ރައީސް ޔާމިންގެ މައްޗަށް އުފުލާފައިވާ ދައުވާތަކާއި ގުޅޭގޮތުން ސުވާލު އުފައްދަވާފައެވެ. އެގޮތުން ރައީސް ޔާމީނަށް ކުރަނީ ސިޔާސީ ދައުވާއެއްކަމަށް މިހާރު ގަބޫލުކުރައްވަންތޯއާއި އެ ދައުވާ ސަރުކާރުން ނުނަގަނީ ކީއްވެތޯ ނޫސްވެރިންވަނީ ރައީސް މުއިއްޒާއި ސުވާލުކޮށްފައެވެ.
އެ ސުވާލަށް ޖަވާބު ދެއްވަމުން ރައީސް މުއިއްޒު ވިދާޅުވީ ރައީސް ޔާމިނަކީ އެމަނިކުފާނުން ވަރަށް އިހްތިރާމް ކުރައްވާ ބޭފުޅެއްކަމަށާއި އަދި ރައީސް ޔާމީނަށް އެންމެ އިހްލާސްތެރި ބޭފުޅަކީވެސް އެމަނިކުފާނުކަމަށެވެ. އަދި ރައީސް ޔާމީނާއި ދެކޮޅަށް މި ސަރުކާރުން ސިޔާސީ ދައުވާއެއް ނުކުރާކަމަށާއި ޕީޖީއަކީ މިނިވަން ފަރާތެއްކަމަށެވެ.
ޔާމީންގެ މައްޗަށް ކޮށްފައިވާ ދައުވާއާ ގުޅިގެން ކުރި ސުވާލަށް ޖަވާބު ދެއްވަމުން ރައީސް ވިދާޅުވީ، ފުއްގިރި މައްސަލާގައި އަޑުއެހުންތައް އަލުން ފެށި ވާހަކަ ވެސް ފެނުނީ ނޫހުން ކަމަށާއި ޕީޖީ އޮފީހަކީ މިނިވަންކޮށް ހިނގާ ތަނެއް ކަމަށެވެ.
ރައީސް މުއިއްޒު ވިދާޅުވީ ރައީސް ޔާމީން މިނިވަންކޮށް މިހާރު އެ ހުންނެވީ މި ސާރުކާރުން ޝަރުއީ ދާއިރާއަށް ނުފޫޒު ނު ފޯރުވާތީކަމަށެވެ.
ރައީސް މުއިއްޒު މިހެން ވިދާޅުވިއިރު ރައީސް ޔާމީނާ ދެކޮޅަށް ކުރީ ސަރުކާރުގެ ދުވަސްވަރު ކޯޓަށް ހުށަހެޅި ރ. ފުއްގިރި ކުއްޔަށް ދޫކުރުމުގައި ރިޝްވަތު ގަބޫލު ކުރައްވައި، މަނީ ލޯންޑާކުރި ކަމަށް ތުހުމަތު ކުރެވޭ މައްސަލައިގެ އަޑު އެހުންތައް އަނެއްކާވެސް ވަނީ ފަށާފައެވެ.
