މި ހަރަކާތަކީ އެންވަޔަރަމެންޓަލް ސަސްޓެއިނަބިލިޓީއަށާއި މުޖުތަމައުގެ ދުޅަހެޔޮކަމަށް އަމާޒުކޮށް ކުރިއަށް ގެންދާ ހަރަކާތެކެވެ.
އުރީދޫން އައްޑޫސިޓީގައި ގަސް އިންދުމުގެ ހަރަކާތެއް ބޭއްވުން
އުރީދޫން ބުނީ މި ހަރަކާތުގެ މަގުސަދަކީ އައްޑޫގައި ފެހި ވެށްޓެއް ގާއިމުކުރުމެވެ. ކޮންމެ ގަހެއް އިންދުމަކީ ބައިވެރިން ތިމާވެށި ރައްކާތެރިކުރުމަށް އަޅާ ހަރުދަނާ ފިޔަވަޅެއްކަމަށެވެ.
"ގްރޯ ވިތް އޫރީދޫ" އިނީޝިއޭޓިވްއަކީ އޫރީދޫގެ ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު) ސްޓްރެޓެޖީގެ ބައެއްގެ ގޮތުގައި ފަށާފައިވާ ޕްރޮގްރާމެކެވެ.
މި ޕްރޮގްރާމުގެ މަގުސަދަކީ ދެމެހެއްޓެނިވި ދަނޑުވެރިކަން ކުރިއެރުވުމާއި ސިޓީތަކުގައި ފެހި ސަރަހައްދުތައް އިތުރުކުރުމަށް މަސައްކަތްކުރުމެވެ. އޫރީދޫއިން މުޅި ރާއްޖޭގައި މިފަދަ ހަރަކާތެއް ކުރިއަށް ގެންދިޔުމަށް ވަނީ ރާވާފައެވެ.
މިގޮތުން މިއީ ކުންފުނީގެ ވިޝަން ކަމަށްވާ ދެމެހެއްޓެނިވި އަދި ކެރިފޯރުންތެރި ރާއްޖެއެއް ބިނާކުރުމުގެ ލަނޑުދަނޑިއަށް އެޅޭ އިތުރު ފިޔަވަޅެކެވެ.
