އެމްއޭސީއެލްއިން ބުނީ ހައްޖަށް ފުރާ ފަސިންޖަރުންނާ ގުޅިގެން މިމަހުގެ 26 އަދި 30 ވަނަ ދުވަހު ހެނދުނު 10:30 އިން ފެށިގެން މެންދުރުފަހު 2:00 އާއި ހަމައަށް އެއާޕޯޓުގައި މީހުން ގިނަވާނެ ކަމަށެވެ.
އަދި އެޓާމިނަލް ސަރަހައްދު ތޮއްޖެހި ޕާކިން އޭރިއާގައިވެސް އެކަށީގެންވާ ވަރަށް ޖާގަ ނުލިބޭނެކަމަށް އެމްއޭސީއެލްއިން މައުލޫމާތު ދީފައިވެއެވެ. ވީމާ، މި ދުވަސްތަކުގައި އެއާޕޯޓަށް ކާރުގައި ބަޔަކު ބާލަން ދާއިރު އިންޓަނޭޝަނަލް ޓާމިނަލަށް ވަނުން ހިފަހައްޓާފައިވާނެ ކަމަށް އެމްއޭސީއެލްއިން ބުނެފައިވެއެވެ.
އެމްއޭސީއެލްއިން ހާމަކުރި ގޮތުގައި މި ދެ ދުވަހުގެ ހެނދުނު 10:00 އިން 11:30 އަށް ނަސަންދުރާއިން އެއާޕޯޓަށް ހިލޭ ފެރީ ހިދުމަތް ދެމުން ގެންދާނެއެވެ.
ފަސިންޖަރުންނާއި އެއާޕޯޓަށް ދަތުރު ކުރާ ފަރާތްތަކުގެ ތަކުލީފު ކުޑަކުރުމަށްޓަކައި މިދެންނެވި އިރުޝާދުތަކަށް އަމަލުކުރުމަށް ވެސް އެމްއޭސީއެލްއިން އެދިފައިވެއެވެ.
