ނައިބު ރައީސް އެމެރިކާގައި: ބޮމުގެ އިންޒާރަކާ ގުޅިގެން، އެ މަނިކުފާނު ދަތުރުކުރެއްވި ބޯޓެއް ޑައިވާޓްކުރަން ޖެހުނު -- ފޮޓޯ/ ރައީސް އޮފީސް
ނައިބު ރައީސް ހުސައިން އިންނެވި ފްލައިޓަށް ބޮމުގެ އިންޒާރެއް!
އަލީ މިދުހަތު
27 މޭ 2025 - 20:24:48
ރާއްޖޭގެ ނައިބު ރައީސް ހުސައިން މުހައްމަދު ލަތީފް ދަތުރުފުޅު ކުރެއްވި މަތިންދާބޯޓެއްގައި ބޮމެއް އޮތް ކަމުގެ އިންޒާރު ލިބިގެން ކުއްލި ހާލަތުގައި އެހެން ގައުމަކަށް ބޯޓު ޖައްސައި، އެ މަނިކުފާނު އެހެން ފްލައިޓެއްގައި ވަޑައިގެންފި އެވެ.
Advertisement
މިދިޔަ އަންގާރަ ދުވަހު ހަވާއީގެ ހޮނޮލުލޫ އިން ލޮސް އެންޖެެލިސްއަށް ދަތުރުކުރި ޔުނައިޓެޑް އެއާލައިންސްގެ ފާހާނާއެއްގެ ލޯގަނޑުގައި ހުރި ލިޔުމަކާ ގުޅިގެން ސަލާމަތީ ފިޔަވަޅެއްގެ ގޮތުން އެ ބޯޓު އަނބުރާ ޖައްސާފައިވާ ކަމަށް އެ އެއާލައިނުން ބުނެފައިވެ އެވެ.
އެނގިފައިވާ ގޮތުގައި ބޮމުގެ އިންޒާރާ އަނބުރާ ފްލައިޓު ޖެއްސުމުން ނައިބު ރައީސް ހުސައިން ދެން ވަޑައިގަތީ އެހެން ފްލައިޓެއްގަ އެވެ.
ނައިބު ރައީސް އިންނެވި ފްލައިޓެއްގައި ދިމާވި ހާދިސާއާ ގުޅޭގޮތުން ސަރުކާރުން މިހާތަނަށް ރަސްމީކޮށް ބަހެއް ނުބުނެ އެވެ. އެ މައްސަލަ އެމެރިކާގެ އެފްއައިބީން އަންނަނީ ތަހުގީގު ކުރަމުންނެވެ.
ނައިބު ރައީސް އެމެރިކާގެ ހަވާއީއަށް ފުރާވަޑައިގެންނެވީ ބްލޫ ޕްލެނެޓް އެލަޔަންސްގެ ހާއްސަ ދައުވަތަކަށް މިމަހުގެ 15 ވަނަ ދުވަހު އެވެ. ނައިބް ރައީސްގެ މިދަތުރުފުޅު މިމަހުގެ 21 ވަނަ ދުވަހު ނިންމަވާލައްވާފައިވާ ކަމަށް ރައީސް އޮފީހުން ހާމަކުރި ނަމަވެސް އެމަނިކުފާނު އަދި ރާއްޖެ ވަޑައިގެންފައި ނުވާ ކަމަށް އެނގިފައިވެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
